عنوان الموضوع : جهزى حجاتك يا عروسه قبل ما تروحى بيتك - نصائح و ترتيبات
كاتب الموضوع : chichaki
مقدم من طرف منتديات ايمازيغن




اليوم يابناتي العزيزات أخترت لكن هذا الموضوع المهم بالنسبة لكل عروسة يارب يسعد الجميع
اول شئ الف الف مبروك لعرايسنا الجدد

وثاني شئ عقبال البنوووتات الأمورات يارب


عاوزه اعرض عليكم شويه افكار كده عشان كل عروسه



ترتب حجاتها قبل ما تروح بيتها
وممكن مامتها واخواتها وصحباتها يساعدوها
فى تنظيم هدومها ومكياجها وحتى الطرح والفوط والملايات
حتى الجزم
ممكن كل ده ننظمه فى بيت بابا قبل ما نروح شقة العروسه
ونحتاس هناك
والعروسه تلاقى نفسها مشغوله ومضغوطه ومش عارفه تحط حجاتها فين وازاى؟



بصوا يا قمرات

اكتر حاجه بتعمل فوضى هى قمصان النوم والملابس الداخليه

ممكن جدا
تجيبى علب بلاستيك مستطيله
او حتى العلب اللى بتشترى فيها الجزم
وتغلفيها بستان او تل



وممكن كمان للبراهات

تتنيها من النص وترصيها ورا بعض فى العلبه
وبلاش فوضى فى الادراج
ورصيهم كده فى درج الاندرات فى الدولاب عشان تحافظى على ترتيبهم على طول ويفضل دولابك منظم وجميل
وسهل توصلى لكل حاجه واى حاجه من غير ما تبوظى نظامه

ودى عشان تحفظى كل قميص نوم باندراته واكسسواراته وحركاته
ومش ضرورى تفرجى حد على قمصانك خليها بعيد عن العين ربنا يكفيكوا شرها
عشان الفضوليين اللى بيحبوا يتفرجوا على كل حاجه ميتهنوش ويحققوا اغراضهم الدنيئه




ودى للجزم ممكن تحفظى كل زوج فيها حتى لو فيه جزامه
اهو تمييز برضه عن العريس عشان الناس يشوفوا اد ايه انت مهتمه بالتفاصيل ومافيش مانع تعمليله منها
كام واحده
اهو اسمه هيبقى جوزنا برضه

)
ودى لحفظ الملابس على الشماعات


وممكن نصمم زيها لحفظ الطرح كمان وهتكون حلوة جدا وهتخلى شكل دولابك جميل


الشماعات
مش ضرورى تجيب الشماعات المتزوقه
ملهاش لازمه والهدوم بتتزحلق من عليها
ممكن تنفذى انت الشماعات دى

وتعمليها معاها كيس صغنن تحط فيه معطر للملابس او اى اكسسوار للهدوم عشان ميتوهش فى الادراج
ودى علبه جاهزه لحفظ الاندر وير ياريت اللى بتعرف تصمم وتنفذ حجات حلوة كده
تقدر تعملها لنفسها ولصحباتها






ودى للحجات الصغنططه اللى ممكن تضيع فى الزحمه رغم صغرها
لكنها مهمه جدا
وانتن فاهمين طبعا
احفظيها فيها عشان متدوخيش وانت بتدورى عليها







الفوط يا عروسه
يا سلام لو لفتيها زى الرول
ولفتيها بشريط ستان
هتكون شكلها روعه حاولى تنظميها فى البيت عشان تروحى ترصيها على طول فى الشوفنيره ومتنسيش
فوطتين ليوم الدخله كده على زوقك وياسلام لو شغلتى عليهم بايدك او حتى فى مشغل اساميكم او اول حرفين منهم


وممكن الملايات ومفارش السرير تترص كده برضه


ومتنسيش قبل ما شنطك تروح بيتك
هاتى كام متر تل ولفيها بيه او اعمليه عليها فيونكه كبيره مع وردتين كده











ودى الجزم

ممكن تزينى سبت او حتى طبق بلاستيك من جهازك
وتغلفيه بورق ملون او ستان
وترصى الجزم رصه شيك
خللى الكل ينبهر بحجاتك وانتى رايحه بيتك



وده المكياج


جمعيه كله على طبق او سبت ولفيه لفه شيك
بس قولى ماشاء الله الحجات دى بتتنظر


وخلى الحاجه اللى هتتحط فى الادراج لوحدها
وحددى هتحطى ايه فى كل درج قبل ما تروح حجاتك بيتك عشان ماتدوخيش هناك وانتى داخله على دنيا جديده

ودى كراتين الجهاز وهى رايحه
ولو هترصى حجاتك قبلها بفتره
يبقى خللى الهدوم اخر حاجه ياريت تروح قبلها بيوم بس
عشان محدش يكون عنده فضول ويتفرج عليها



ومتنسيش بعد ما تخلصى رص هدومك
زوق السرير بورق ورد
او حتى شيكولاته







واهم حاجه
المصليه واسدال الصلاة
حطيهم على كرسى التسريحه عشان تبتدى حياتك بركعتين ان شاء الله



وفى الاخر متنسيش تدخلى بيتك يا قمر برجلك اليمين
ربنا يكفيك شر العين ويبارك لك فى حياتك انت وزوجك ان شاء الله

موضوع عجبنى وقولت تشوفوا لتعم الفائدة منقوووول


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©