عنوان الموضوع : الى فنانات و متقنات البقلاوة .. - من المطبخ الجزائري
كاتب الموضوع : admin
مقدم من طرف منتديات ايمازيغن

السلام عليكم و. حمة الله و بركاته
انا اليوم حبيت نطلب مساعدتكم. و نصائحكم بالنسبة للبقلاوة لاني ف حاجة ماسة ليها و ربي يطيلها ما تتمنا لي تساعدني
انا جربت البقلاوة مرة واحدة من قبل هدا ماكان بصح مع اني قريت بزاف مواضيع مع دلك خرج فيها اكثر من غلط ..غدي نقولكم الاغلاط لي خرجت فيها و نتمنى تعاونوني كيفاش نصلحها

1)اول سوال هل عجينة البقلاوة تنعجن او تنلم فقط??لاني ف كل موضوع واش نقراو من الاحسن جي رطبة او ناشفة شوي؟؟
2)الحلوى جاتني عالية بزاف ..شحال المفروض ندير من طبقة باش بجي شكلها مناسب علما باني حليتها ف المشينة باخر رقم
3)الجهة العلوية حسيتها ما جاتش لاصقة مليح ف الحشو ..يعني تحسي الطبقات لي الفوق جاو ينفصلو شوي عن الحشو ..في رايكم ندهن الحشو بالزبدة باش تلصق الطبقة لي فوقو ؟؟
4)الحشوة جاتني شوية ناشفةو زيد بيد ما كملت توراق لقيتها نشقت كتر ..شحال لازم نسبة تشماخ تاع الحشو??
5)اللوز لام يتقشر و يتحمر؟؟ و شحال نرحيه؟؟
6)نقولكم طريقتي في الحل و قولولي ادا صح او هاني غالطة ..اول شي نحل الكورة بالنشا بالحلال و مبعد نقطعها على 3 و نبدا نحل كل مستطيل وحدو في الماشينة ..هل هكا صح عليا. و ادا كاين طريقة احسن ما تبخلوش عليا

و الله اسفة لاني عارفة كترت و طولت بصح نحتاج مساعدة ضروري و ربي يفرج همها لي تفرجلي همي لانو البقلاوة هدي ديرتلي هم هههههه.



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©