عنوان الموضوع : مش عندك شوربة وعاوزة شوربة! .. تعالي أقولك.* - وصفة من مطبخي
كاتب الموضوع : مريم
مقدم من طرف منتديات ايمازيغن

كيف حالكم يا ثيمازيغين يا قمرات.

ساعات بنكون محتاجين نعمل محشي ومفيش لحمة ولا فراخ ولا عندنا شوربة, محشي أورديحي يعني
طبعا كلنا بنحط مكعبات المرقة في مية ونغليها ونحط على المحشي وخلاص
وفي ناس بردو مش بتحب تسلق الفراخ وبتكون عاوزة تعمل لسان عصفور فبتعملها بردو بالمرقة
هقولكم على شوية إضافات تخلي الشوربة دي ليها طعم جميل جدا إن شاء الله
أولا واهم حاجة هي مية البصل, أيوة مية البصل
طيب هجيبها إزاي؟ أقولك يا جميل ...
ولنفرض مثلا بتعملي محشي .. بعد ماتبشري البصل أو تقطعيه تعصريه بإيدك جامد هينزل ميته, وبينزل مية كتير كمان
ببساطة أول ماالمية بتاعة الشوربة تغلي وتكوني حطيتي مكعبات المرقة زودي بقى مية البصل وشمي الريحة الرهيبة اللي هتهل عليكي ووقتها إدعيلي
ثانيا ظبطي الشوربة دي بالتوابل وكل حاجة الشوربة العادية, يعني حطي ورقتين لورا وحطي حبهان (وأفضل استخدام للحبهان وهو مطحون) وحطي شوية بهارات, وممكن كمان تحطي بصلاية صغيرة لو هتخليها تغلي كتير بس مش ضروري
يعني حسسي نفسك إنها شوربة بجد
لما هتزودي الحاجات دي هتلاقي الشوربة طعمها مش مجرد مكعب وخلاص, بجد هتحسي بفرق رهيب وريحة وطعم مختلف وجميل جدا.
إدعولي بقى ربنا يشفيلي خديجة ويكملي حملي على خير حتى لو في سركم يا حبايبي ربنا يرضى عنكم.
يارب أكون أفدتكم بموضوعي زي مابستفيد منكم.


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©