عنوان الموضوع : المرأه شمعه تحترق من أجل الآخرين كيف تكونى شمعه تحترق من أجل غيرك - حياة زوجية
كاتب الموضوع : kouka
مقدم من طرف منتديات ايمازيغن










جربتى تكونى شمعة تحترق من أجل الاخرين .....؟





طبعا هتقولى مانا كدا فعلا ايه الجديد!!




بس عايزة اقولك حاجة الشمعه لما


بتتحرق مش بتفضل تقولك انتى ليه


بتولعينى ,,,خدى بالك انا قربت اخلص


كفايا بقى اطفينى ,,او مثلا تقولك مش


هتقوليلى ميرسى انى منوره ليكى


وعملالك جو رومانسى وحراكات ؟؟؟؟



ممممم اكيد لا مش هتقول كل داا بتتحرق وتذوب فى صمت.





يعنى بعد كل الرغى دا عايزة اقولك انك


ياحرام كدا كدا لو متجوزة بتطبخى


وتنضفى وتربى ويطلع عينك ولو


بتشتغلى بتروحلى كل يوم شغلك


وبردوا يطلع عينك ولو بنوته فى بيت


باباكى اسمك بيتنده 500000 مره فى


اليوم وكل واحد بطلب وبردوا بيطلع


عينك.




بس انتى مش بتتعبى من كل دا ؟ انتى


الى بيتعبك ان بعد كل دا بتلاقى جوزك


يقولك ياسلالالام وايه يعنى الى بتعمليه


دا ولا حاجة جنب نزولى كل يوم فى


الشمس ياحراااام ولا تلاقى اخوكى


الغتيت الى طول اليوم يرمى فى لبسه


وتلمى وراه وبيطلب مايه كل خمس


دقايق تلاقيه فى الاخر يقولك انتى اصلا



جيتى بنت علشان تشتغلى خدامه


وتخدمينا وغيرهم كتير ,,,, الا من رحم


ربى طبعا.






ودا الى ديما بيوجعك بس ايه رائيك لو



نبدأمن جديد ,بمعنى ان كل حاجة


تعمليها متستنيش من وراها شكر او


تقدير الا من رب العالمين وتعمليها



خالصه لوجه الله اه فعلا صعب او التعب


بدون ماحد يحس بيه بس دا الواقع



ولازم ترضى بيه





تعرفى لما متستنيش رد فعل الا من ربنا


بس هتحسى بجد وقتها انك عايزة تدى


اكتر واكتر لان اصلا انتى كدا كدا بتعملى


وبتتعبى وربنا بس الى بيقدر تعبك دا


وبيجازيكى بيه خير وطول مانتى


مستنيه من الناس شكر مش هيشكروا


تصدقى لو فعلا ركزيتى بس مع ربنا


يمكن وقتها هو الى يخليهم يحسوا


بيكى ويرحموكى شويه ويحسوا اد ايه


بتتعبى وصدقينى محدش ابدا هيحس


بالى بتعمليه ادك انتى فمتستنيش من


حد يحس بحاجه هو مش فيها.





وحاجة كمان اوقات من كتر مابنستنى


المقابل او رد فعل للى بنعمله الى


قدامنا بيعند اكتر ووقتها بنضيع كل تعبنا


لان مفيش شكر او تقدير بيتطلب اصلا


المفروض دا احساس وذوق من الى



قدامك وزى ماقلنا كله لوجه الله دا



مفيش احسن منه ..








وزى كل موضيعنا طبعا دا مش قاعده لكل الناس فى كتير ناس عندها ذوق وبتحس وبتقدر مش لما بتطلع عينا علشانهم يسوقوا فيها اكتر ...














©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©