عنوان الموضوع : قبعة بالكروشيه للبنااااااااااااااااااااا اات- كروشية
كاتب الموضوع : inzou07
مقدم من طرف منتديات ايمازيغن




قبعة كروشية للبنات مع الطريقة بالصور

الطريقة

هتشتغلى 6 سلسلة وتغلق بمنزلقة لتكون دائرة


السطر الأول- هتشتغلى 20 عمود بلفة واحدة

داخل الدائرة وتغلقى بمنزلقة

السطر الثانى-
السطر الثانى- هتذودى فوق كل عمود هتشتغلى عمودين لحد الاخر هيصبح عندك 40 عمود بلفة واحدة




السطر الثالث- هتشتغلى عمود فوق العمود الا فى السطر السابق ثم هتذودى عمودين فى نفس العمود من


السطر السابق حتى اخر السطر وتغلقى بمنزلقة


السطر الرابع - تشتغلى عمود ثم عمود والعمود الثالث هتذودى عمودين فى نفس العمود لحد نهاية السطر


وتغلقى بمنزلقه





السطر الخامس - تشتغلى عمود ثم عمود ثم عمود وفى العمود الرابع تشتغلى عمودين فى نفس العمود



لنهاية السطر بتشتغلى كل 3عمود بتعملى الزيادة علشان الدائرة تكبر وتغلقى بمنزلقة





السطر السادس - هتشتغلى عمود بلفة خلفى بدون زيادةودة السطر الوحيد العمود الخلفى
وممكن متعمليش خلفى واشتغلى عمود بلفة عادى زى مكنا ماشين فوق


السطر السابع - هتشتغلى عمود بلفة بدون زيادة وتغلقى بمنزلقة


السطر الثامن - هنشتغل غرزة حرف v


وبتكون كالاتى - عمود و2 سلسلة وعمود فى نفس العمود السابق ثم تتركى عدد 2 عمود من السطر السابق


وتشتغلى عمود و2 سلسلة وعمود وهكذا لحد نهايةالسطر وتغلقى بمنزلقة






السطر التاسع - هتشتغلى منزلقة لكى تصلى للسلسلتين الا فى الغرزة وتشتغلى 5 سلسلة ثم عمود



ودة بتعمل فى بداية كل سطر لكى تصلى لمنتصف الغرزة وتكملى باقى السطر بغرز حرف 7 وتغلقى بمنزلقة



السطر العاشر - والسطر الحادى عشر - زى السطر التاسع بالظبط هتشتغلى



السطر الثانى عشر :- هتشتغلى عمود فوق العمود وهتيشتغلى فى منتصف السلسلة وتشتغلى عمودين


ثم عمود لحد نهاية السطر وتغلقى بمنزلقة



بمعنى بتشغلى فوق كل عمود عمود ولما تيجى للسلسلتين الا فى غرزة 7 بتشتغلى عمودين

السطر الثالث عشر :- هتشغلى فوق كل عمود عمود


السطر الرابع عشر :- هنشتغلى زيادة فوق كل عمود بتشتغلى فيه نفسه 3 عمود لحد نهاية السطر وتغلقى بمنزلقة



والزيادة دى علشان تعطى شكل الكورنيش



السطر الخامس عشر وهو اخر سطر :- تشتغلى عدد 3سلسلة وحشو فى العمود التالى






لنهاية السطر زى مابتعملى غرزة البيكو وتغلقى بمنزلقة




وتعملى رباط او شريط ستان علشان تزمى الكورنيش وتدككية فى السطر الثانى عشر



وتعملى الورد الا يحلو لك وتركبية وبكدة تكون الورشة انتهت




للفائدة





قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©