✿ لــبراج شاوية بطريقتي ✿ تفضلــن - الحلويات الجزائرية

عنوان الموضوع : ✿ لــبراج شاوية بطريقتي ✿ تفضلــن - الحلويات الجزائرية
كاتب الموضوع : khouloud
مقدم من طرف منتديات ايمازيغن

السلام عليـــــــــكم سيدات المنتدى


سلامي لكل من تفضلت لموضوعي المتواضع وان شاء الله يكون مفيد للــكل
http://imazighen.univanet.com/images/smilies/mh31.gifhttp://imazighen.univanet.com/images/smilies/mh31.gif




راح نوريلكم طريقة عمــل لبراج وخاصة للمبتدئات ويارب يعجبوكم وتجربوهم بإتباع الطريقة الآتيــة :


بسم الله >>>>>>


نبدا بالمقــادير للعجينة والطريقة في آن واحــد

انا كيلت بـــ بول نتاع الفلون عادي لي في الصورة

6 كيلات سميد من النوع الممتاز ماشي خشن وإنما يكون رطب

2 سمن ذايب أو زبدة انا فضلت زبدة ستار حطيها في كاسرونة تذوب على نار هااااادئة وخليها تذوب على مهلها راح يتبخر منها الماء قليلا وطفي خليها ترتاح بجهة راح ينزل الحليب لي فبها تحت

http://im54.gulfup.com/peHW2.png

نرجوعوا للعجين نديرلوا الملح حسب الحاجة ونخلط ،،، بعد ماتبرد الزبدة نكيل 2 كيلات ونصبها على السميد لكن حذاري يكون فيها الحليب يعني لازم كي نصبوها على السميد مايهبطش الحليب لي يكون فيها مانديروش

قولي بسم الله وابداي تخلطي وتحكي بالايدي هذه المرحلة تسمى تبساس السميد نديرولوا غير الزبدة والملح فقط ونبقى نحك بالايدي ونحركوا بالأصابع حتى تكون جميع الحبيبات مشبعة بالدهون ،،، نشرحوا في القصعة ويكون مرمل ماتكدسوش يإيدينا عير بالاصابع برك ونغطيه بصينية أو أي حاجة
ونخليه يبات ليلة كاملة يرتاح وتدخل الدهون للحبيبات هكذا باش يجي بنين اكثر وأكثر أحسن من أننا نديرلوا الماء ونخليه يبات تجربة مضمونة http://imazighen.univanet.com/images/smilies/19.gif

http://im54.gulfup.com/FXRi4.png

________________

الغرس كل واحد وذوقوا ديرولوا واش تحبي بالنسبة لي (( الكمية لي درتها 800غ + م ص قرفة + 4 اعواد قرنفل مرحية + 2 م ك جلجلان محمصة ومرحية + 3 م ك جلجلان محمصة حب )) وإذا متوفر عندك الجوز مرحي ديريه راح يعطيلو مذاق هايل
_______________

في الغد رجعت للعجين وحضرت كيلة ماء بارد ( الكيلة لي كيلت بيها السمين والزبدة )

اولا قبل مانحط الماء على العجين أخذت كمشتين من العجين وهو مرمل ومبسس حطيتوا في صحن من بعد نقولكم علاه http://imazighen.univanet.com/images/smilies/wink.gif

هاهو السميد مرمل
http://im54.gulfup.com/yoBvy.jpg

حركت شوي العجين باصابع يدي وحكيتو شوي
ودوركا بديت بلم العجين حطين نصف كمية الماء لي عندي وبديت غير نحرك فيه بالاصابع فقك ماستعملتس كف اليد لوكان نستعمل كف اليد ونكدسو في يديا راح يورحلو البسوس وانا نحبوا مبسس وطري من بعد كي يطيب

http://im54.gulfup.com/yr6Ov.png

ونخلط العجين بالخف كيما قتلكم بالاصابع وباليدين الاثنين ،،، انا يد تخلط ويد تصور أسمحولي إذا مكانش واضحلكم ،،، لكن راني بينت بالاسهم نخلط بكلتا اليدين دهابا وإيابا راح يبقى عندنا مرمل شويا نحط كمية في يديا ونفوتها من خلال اصابع اليد (( كيما كي نلعبوا بالرمل )) هنا راح نحللو اكثر ومايتكدسش


http://im54.gulfup.com/8jj4m.png

هنا درت نصف كمية الماء وخليتو يرتاح 15د وشرحتوا على القصعة

http://im54.gulfup.com/JBUTp.jpg


من بعد رجعت درت نصف كمية الماء الباقي وزدت عله شوي لان السميد لي درت بيه يشرب شوي وعلى حساب السميد لي ديري بيه قادر تحتاجي ماء بواف وقادر شويا ،،، لمي العجين بالشوي وماشي بكف اليد ومايتعجنش لازم مايكزنش معجون غير نلموه



http://im54.gulfup.com/nBX80.jpg


ونقسمو قسمين وحدة اكثر من وحدة ((( الصغيرة هي لي راح نحلوها الاولى )))


http://im54.gulfup.com/6gGUM.jpg




___________
دوركا طريقة العمل



حضرت لوحة دائرية ويمكن ديري كرتون دائري الشكل ،،، فوقها بلاستيك وناخذ العجين القسم الصغير نديلو شوي من السميد المرمل لي حطيتو قبيل في الصحن ندير منو شوي على ظهر العجين ونحطو على البلاستيك ونيسطوا باليد ومن بعد بالحلال ،،، حليتو على قيس الدائرة ماشي كبيرة بزاف



http://im54.gulfup.com/smF4e.png



بالنسبة للغرس ،،، فوق البلاستيك نصب كمية قليلة من الزيت باش تسهل عليا عملية الحل ،،، نحل الغرس بسهولة ونحطو فوق قرصة العجين لي حليناها نحاول نخلي سمك الغرس والعجين قد قد



http://im54.gulfup.com/D3o6s.png







القسم الكبير من العجين نحلو أيييييييضا فوق بلاستيك بالحلال على قد الدائرة ونحطو بالشوي ،،، وهاهي واجد عندي لازم نعدلها ونسويها على السطح ومن الحواف أيضا يالايدي فقط ،،، نحط من السميد المرمل فوق القرصة نتاعي ونفرك من فوق بشكل دائري على كل مساحة القرصة نتاعي وفي نفس الوقت راني نسوي في سطح القرصة ويكون مستوي



http://im49.gulfup.com/vnhbY.png
http://im49.gulfup.com/mDVbd.png




الآن قلبي القرصة فوق طاولة انا قلبتها فوق مائدة ،،، خفي يدك واحكمي من البلاستيك لي تحت واقلبي بحذر لاتروحلك القرصة http://imazighen.univanet.com/images/smilies/1.gifhttp://imazighen.univanet.com/images/smilies/1.gif


http://im49.gulfup.com/lXJMF.png



الان القسم الصغير من العجين رجعتو لفوق والكبير كي قلبتها رجع لتحت ،،، لان بعد كي نحلها بالحلال الجزء السفلي لي راح يرقاق بزاف عليها درتلو العجين كبير على الآخر وهكذا راح يجيني لبراح نتاعي الطبقات الكل كيف كيف





نحط الحلال في الوسط ونلحها من النصف الى فوق ومن النصف تحت ومن اليمين لليسار وهكذا حتى تتوصلي للسمك لي تحبيه ،،،



http://im49.gulfup.com/HV3vc.png




ناخذ باقي السميد المرمل نوزعوا على القرصة ونفرك ملييييح بشكل دائري أفركي وأفركي http://imazighen.univanet.com/images/smilies/wink.gif


http://im49.gulfup.com/kdwmS.png


يتبببببببببببببببببببع

>>>>>>>>>>>>>

بعد ساعة ،،،حضرت شريط كرتوني 4 سم حبيتهم يكونوا صغار وانت والرغبة نتاعك المهم يكونو الحبات كيف كيف + سكين حاد غير مسنن

[http://im49.gulfup.com/j5UIa.png[

عيني الخطوط برك بالخفيف بالسكين ،،، كي خلصت قطعت الحبات ،،، ننقولك برك لما تقطعيه ماتدخليش السكين كامل لازم غير الرأس برك كيما في الصورة باش مايفسدوش الحبات وهو كي تخليه يرتاح ساعة وخاصة في مكان بارد شوي راح يجيكم سهل للتقطاع والحبات متحووووووفين روعة

[url=http://www.gulfup.com/?F5eH03]l]


ها انا قطعتهم وخلصت نزعت الحواشي خليتهم بجهة شوفوا كيفاش الحبات كليها كيف كيف والطبقات أيضا نزيد نتحف حواف الحبة بالسكين يعني ملستها

[]http://im49.gulfup.com/hWqKh.png[/


حطيتهم في صينية وزدت خرجتهم للحوش ومغطيين بالبلاستيك خليتهم حوالي ساعة ولا ماوصلتش ،،، راح يكونوا سهلين في الطياب

[T]http://im49.gulfup.com/9j7Vj.png[/url]

سخنت الطاجين على نار متوسطة ماشي قاوية وطيبتهم عادي في طاجين الشخشوخة

هاهم لبراح نتاعي وياااااااارب تعجبكم طريقتي وتجربوهم بإتباع ماقلت ،،، قولولي رأيكم بصراحة مليح ولا قبيح هههههههههههههه أسيدي شكر برك منكن ،،، شكرااااااا


[IMG]http://im61.gulfup.com/BgcMC.jpg[

http://im61.gulfup.com/Gnrtr.jpg
http://im61.gulfup.com/60ua4.jpg
http://im61.gulfup.com/WXdxr.jpg



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©