كوسه بالبشاميل من مطبخى سوبر مامى بالصور طريقتى فى عمل الكوسه بالشاميل - وصفة من مطبخي
عنوان الموضوع : كوسه بالبشاميل من مطبخى سوبر مامى بالصور طريقتى فى عمل الكوسه بالشاميل - وصفة من مطبخي
كاتب الموضوع : hamida
مقدم من طرف منتديات ايمازيغن
السلام عليكم ورحمة الله وبركاته
كيف حالكم ياقمرات أمازيغيات
انهارده وصفتى ليكو جميله وخفيفه وسهله ومميزه
لكل عاشقى الكوسه ولكل اللى مبيحبوهاش
انا متأكده ان اللى هيجربها هيموووووووووووووت فيها
تعالو يلا على المطبخ نشوف
المقادير
ك كوسه حجم متوسط
1/2 ك لحمه مفرومه
بصله متوسطه مفرومه
ملح / فلفل اسمر/بهارات
مقدار بشاميل
كوب ونصف شوربه
مكعب مرقه دجاج
الطريقه
هنجيب الكوسه ونقورها زى المحشى ونقشرها بالمقوار بالطريقه دى
http://up.3dlat.com/uploads/13677338481.jpg
واوعى ترمى القلب بتاعها
هنجيب اللحمه وهنضيف عليها البصل المفروم والملح والفلفل والتوابل ونقلبها كويس جدا خدى بالك وهيا نيه مش مستويه بالشكل ده
http://up.3dlat.com/uploads/13677338482.jpg
هنجيب القلب بتاع الكوسه ونتبله بملح خفيف وفلفل وبهارات ونفرشه فى الصينيه كده
http://up.3dlat.com/uploads/13677338483.jpg
ممكن تحطى معاه جزر مبشور كمان بيطلع جنان
هنبتدى نحشى الكوسه باللحمه وبعد ما نحشيها كويس جدا ونضغط على اللحمه جامد عشان تاخد شكل الكوسايه من جوه
هنقطع الكوسه حلقات بطول حوالى 2 سم ونرصها فى الصينيه بالشكل ده
http://up.3dlat.com/uploads/13677338484.jpg
منظر اقرب
http://up.3dlat.com/uploads/13677338485.jpg
بعد كده هنحطها عالنار ومعاها مقدار الشوربه وطبعا هنكون مدوبين معاه المرقه ولو مفيش شوربه يبقى هنجيب كوبايه ونص ميه على مكعب مرقه وندوبها ونحطها
هنسيبها لحد ما تستوى خالص بس خدى بالك مش بتاخد وقت
هتلاقى الشوربه بتاعتها بتقل والكوسه استويت
هنكون محضرين البشاميل هنغطيها بيه بالشكل ده
http://up.3dlat.com/uploads/13677338486.jpg
هندخلها الشوايه تاخد وش ونخرجها وبالف هنا على قلوبكو
وده شكلها
http://up.3dlat.com/uploads/13677338487.jpg
http://up.3dlat.com/uploads/13677338488.jpg
http://up.3dlat.com/uploads/13677338499.jpg
اما الطعم فحكااااااااااااايه
جربوها ومش هتندمو
الف هنا وشفا ياقمرات
قد تكوني مهتمة بالمواضيع التالية ايضاً:
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
