ـــــــــ الطمينة على طريقة الرجاصيين ــــــــــ من حلويات الجزائر

عنوان الموضوع : ـــــــــ الطمينة على طريقة الرجاصيين ــــــــــ من حلويات الجزائر
كاتب الموضوع : amira
مقدم من طرف منتديات ايمازيغن

السلام عليكم ورحمة الله وبركاته:
مساء الخير عليكم حبيباتي :luve_1:
إن شاء الله تكونو بخير
والله لاحظت اختلاف التسمية في مناطق الجزائر فيما يخص الطمينة
واليوم حبيت نقدملكم طريقة تحضير الطمينة عندنا
في رجاص ولاية ميلة

أولا/ المقادير:
غرس
250 غ زبدة أو مارغارين
سميد حرش
ثآنيا/ طريقة التحضير:
لازم في البداية ننقيو الغرس من هذوك الشوائب اللي فيها مثل أجزاء من العلف /لعضم تاعها أو شوائب اخرى
ومبعد نعجنوها بشوية ماء زهر ولا ماء ورد نخلوها تتنسم بهذاك الماء تاع الزهر ولا تاع الورد
وفي نفس الوقت نحطو السميد لحرش فالغربال باش ننحيو منو السميد الرقيق على خاطر نحتاجو غير الخشين
ونحطوه في مقلاة أو طاجين حسب الكمية فوق نار هادئة
http://2.bp.blogspot.com/_VV97kxm3WR...Go/s1600/6.jpg
ونحركو بالملعقة حتى يولي لونو ذهبي
يعني تقريبا هكذا
http://www.bntmofeid.com/up//uploads...1c8258d693.jpg
نذوبو الزبدة أو المارغارين ونخلطو معاها الغرس والسميد ونعجنوهم مليح مع بعض
كي تتأكدي باللي الخليط أصبح متماسك
شكلي قرصة كيما تاع الكسرة وحاولي تطرحيها شوية حتى يصبح سمكها حوال 1.5 سم
خليها تبرد شوية ومبعد قسميها بسكين إلى قطع كبيرة أو صغيرة حسب الذوق
http://t0.gstatic.com/images?q=tbn:C...b_64635067.jpg
توضع في صحون وتقدم مع الحليب أو القهوة او المشروبات
وبصحتكم يا لفحلاااااااااات:blush:

©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©