وفري وقتك وفلوسك مع هذه النصائح المطبخية - نصائح مطبخية
عنوان الموضوع : وفري وقتك وفلوسك مع هذه النصائح المطبخية - نصائح مطبخية
كاتب الموضوع : imilla
مقدم من طرف منتديات ايمازيغن
http://uploads.sedty.com/imagehostin...1335177463.gif
http://4.bp.blogspot.com/-n_4Qv4YLNi...00/images1.jpg
افكار كتير حتوفر لك في ميزانيه الاكل ووقت الطبخ معتمده عليها علي الطهي و التفريز و التسخين في الميكروويف لان الميكروويف تسخينه بيخللي الاكل كأنه طازج
المكرونه البشاميل ... اعملي صينيه كبيره بربع كيلو لحمه مفروم و اطبخيها في الفرن و قطعيها خرطات و اللي يفضل من الغدا شيليه في علبه ميكروويف و دخليها الفريزرو يوم ما تحبي تطلعيها للغدا طلعيها بدري شويه و علي الميكروويف علي طول و ممكن تخرج من الفريزر علي الميكروويف مفيش مشاكل ... كده بتفرق معاكي
المحشي ممكن تحشي كميه محترمه و قدتمك حل من اتنين يا تسويه كله و تشيلي الباقي في علب محكمه الغلق بالفريزر و تسخنيه في الميكروويف يا اما تحشي كميه من غير تسويه في حله و تشيليها في الفريزر بس لمده قصيره ما تزيدش عن اسبوع و تطلعيها من التفريز علي النار الهاديه اوي اوي خليها تفك علي النار و زوديها شوربه الاول عادي
المعجنات ممكن تعملي قواعد البيتزا و تسويها نص تسويه وقت ما تحتاجيها خرجيها من الفريزر و ضيفي الصلصه و الموتزاريللا علي الفرن علي طول
و انتي بتفرزيها افصلي بين كل وا حده و التانيه ورقه زبده نف
الفينو و الفطاير و المخبوزات شيليهم في اكياس بلاستيك و سخنيهم بالميكروييف ساعه التقديم
الكفته سويها و شيليها في الفريزر و خرجيها علي التسخين بالميكروويف بتكون روعه
الممبار احشيه و اسلقيه و فرزيه و سيبي خطوه التقليه و لما تحتاجي منه خرجي علي قد احتياجك و اقليه و بالهنا و الشفا
الفراخ اللي حتشويها شيليها بتتبيلتها في الفريزر و خرجيها من قبل بيوم .. المهم الكيس مثلا نص فرخه او تلات ارباع حسب حجم اكلتكم بالضبط و اشويها بتكون متشربه التتبيله بطريقه رائعه
الجلاش بعد ما يستوي بيتشال في الفريزر عادي و يخرج علي تسخين الميكروويف في اي وقت ... اعملي صينيه كبيره و شيلي الباقي علي طول في اكياس او علب بالفريزر
اي رز يبقي منك من اي اكله او لو حبيتي تعمل يكفي يومين .. شيليه في الفريزر في اكياس بلاستيك و طلعي اي يوم منه عادي و زرديه معلقه ميه و سنه سمنه و سخنيه في الميكروويف كأنه طازه و ده ينطبق علي البرام كمان
الخضار زودي في الكميه و اعملها الضعف و شيلي الباقي قي الفريزر في اكياس و طلعيه علي التسخين في الميكروويف .. بواقي خضارو بواقي رز حيعمل معاكي اكلات توفيريه كتييير
الفول انتي دمسيه و شيلي في اكياس علي قد الاكله في الفريزر و عجينه الطعميه برضه حيكون عندك فطار و عشا لطول الشهر باقل التكاليف
السمك شيليه متبل في الفريزر للقلي .. نضفيه و تبليه و خرجيه علي التسويه
كفته الرز حضريها و اقليها و شيليها في الفريزر و خرجيها لما تعوزيها علي تسبيكه الطماطم بتكون كأنها طازه
البانيه و البوفتيك بدل ما تجيبي نص كيلو هاتي كيلو تبليه و قسميه علي اكياس في الفريزر علي قد الاكله و لو حتعوزيه للساندويتشات قطعيه شرايح طوليه علشان يوفر معاكي
الجبن لما تحفظيها في علب مغلقه بيتحافظ عليها اكتر كتير من لو كانت العلب مفتوحه في الفريزر
http://uploads.sedty.com/imagehostin...1335177475.gif
قد تكوني مهتمة بالمواضيع التالية ايضاً:
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©