عنوان الموضوع : مسجات ليبية- رسائل
كاتب الموضوع : imilla
مقدم من طرف منتديات ايمازيغن
القذافي يقندل ويقول هذا قنديل وقنديل حسني سيب نهر نيل هذا قنديل النبي تونس لزت بن علي هذا قنديلك ياحوا حي عليا دوري توا
شفشوفة شفشفوكي,,,,,
ومن باب العزيزية طلعوكي
وبين طحالبك حشمووكي وبالتكبير خوووفوكي......
وفي الميدان الشهداء قهروكي وفي بني وليد بإدن الله يشدوكي
القملة قالت:
لا بحر ولا مكيف.... في راس الشفشوفة بنصيف
شفشف شفشوفة برم برم شوفو شفشافة برم برم وهذا الشفشوف ربي حشمه ياعيني ربي حشمه
شفشف يا ذلي برم برم تمشي وما تولي برم برم ولما جو الثوار هرب الشفشافة ياعيني هرب الشفشافة
أوأوأو
قولوا ما شاء الله .. الليبي زين علي زين ... شفشوفة بره .. يلحق شين العابدين
أوأو أو
غير علينا حل ماعندكش مشكله يامعمر ياصل ماعندكش مشكله نحن الشعب الحر ماعندكش مشكله نحنا مانبوك ماعندكس مشكله معمر يلعن بوك ما عندكش مشكلة غير علينا حل ماعندكش مشكله
يخطب بالصوت بلا صوره ماعنده لبسه مستوره
مساء الحريه بدون لجان ثوريه...ولا فروخ صفيه...ولا بو شفشوفه صاحب العبائه القهويه
من المصادفة أن يكون أسم مدمر ليبيا " معمر " وقبيح تونس "زين" وجبان سوريا "أسد" ومفسد اليمن ليس"صالح" وملعون مصر "مبارك".
يوم سعيد انريد نشوفه شنقت سيف وبوشفشوفة
غيرناه سريب الماضي بدلنا الراعي بالقاضي
وهذه مسجات كمان لبية روعة
1انخاف يا عزيز اتغيرك ليام اتخلى غلانا حلم من الاحلام
انخاف تظلمنا لقسام يصير خطا منك ونا محاصر من غلاك اسير مسلم وراضى بحكمهن ليام
2/اطلقها تبكى نين تمل جروح وغل ولوعه وياس اطاول اطلقها تبكى ليل نهار ابكا
منهار ضايق ياس معاه اقهار وضيم وهول وشاف امرار خبر يذهل احمول يهدن حيل اطلقها تبكى نين تمل
3/دونك دونك عقوبه الخاين كيف فى قانونك الخاطر استنجد بيك دونك فزعه الغالى رحل ما نظن عنده رجعه
نهار خونته يا خوى شينك فجعه تصور بعد نصك الثانى ايخونك
4/عندك علم يا شوقى العنيد اريافى نجم راحل فى سماك وعندك علم يا عمرى الوحيد انت وبس والباقى فداك وعندك
علم من جد وجديد انغالى فيك ونجدد هواك عندك علم كى تبقى بعيد يزيد كيف سبحانه غلاك
5/فرقت اعزامى نا مغير تنظرا تنزح العين ابكا يا بال تنظرك فرقت صبرى فرقت اعزام العين
فرقت عمرى بعد غيبتك ما ريت يوم زها
6/فيك حزن يلقاه الحزين وفيك ود تلقاه الودايد وفيك من القساوه وفيك مناللين وفيك مالرخا
للشدايد وفيك عقل واثق رزين وفيك طفل كل شى رايد بلا محبتى فيك زين يا زين الحق مو للجحايد ان بعت نا
يشروك لاخرين وراك كل ملهى وصايد
7/قاسى يا فزاع منامى يا دمار اقصور احلامى يا مداد جسور ضلامى يا جباد المنجل الحامى يا كواى العقل
الضامى يا بياع رخيص اسوامى يا براك اجمال قسامى يا جفال اطيور حمامى جرحك واصل مخ عظامى
8/كم من جرح لقو له طبيب بعد ياس صنعوله دوا وجرحى جرح نلقانه غريب فيه اغلبت ساقينى شقا
وكم من قلب من بعد النحيب جى مكتوب نيرانا طفا وقلبى قلب ما عندا نصيب شاقى دوم ما يعرف زها
وين انقول نزها عن قريب نلقى الياس مفعوله دوا
9/لما يا عينى تشتاقى تبكى وديرينى سبله تبينى نمشى لدياره والناس تلاحظ يا هبله يبقى عاد غلانا واضح كى من صلى عكس القبله
10/البارح بكت عينى وهاج بحرها عليها خطر ماضى عزيز قهرهابكت مليوعه وجابت سريب الى بعيد ارجوعه
فارق وهى من غيبتا مفجوعه تركها شريده ما عبرها
11/من سبع شيبات فى الراس قالو علينا اكبرنا ومن سبع جغمات فى الكاس قالو علينا سكرنا لو جربوا همومنا هالناس ما يصبروا كيف ما صبرنا
12\يا ريتنى ما حبيت ولا يوم من الايام اغويت ولا على درب الحياه مشيت كونى صحيح شكيت من نار هجرك وبعدك نين بكيت
فى الاخير لومى ما عليك لومى عالايام خدعنى بيك وما حذرنى انك فى يوم من الايام تخيب ظنى
قد تكوني مهتمة بالمواضيع التالية ايضاً:
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
