كرمب محشي بالروز - اكلات جزائرية

عنوان الموضوع : كرمب محشي بالروز - اكلات جزائرية
كاتب الموضوع : mira
مقدم من طرف منتديات ايمازيغن

السلام عليكم
اليوم جبتلكم طبق تبانلي اقتصادي
درت كرمب محشي بالروز

نحتاج لهذا الطبق
طراف دجاج الي موجود المهم يطلق البنة

كرمب فنجان روز بصلة ثوم جزر توابل ( ملح فلفل اسود كمون كسبر رند )
ملعقة طماطم


الطريقة


نغلي اوراق الكرمب او نفورهم انا نضل نغليهم خمس دقايق

نجيب الروز تاعي نحمص شوية في مقلة
مبعد نحيه ومبعد نجيب بصلة مقطعة نذبلهافي شوية زيت مع الثوم
كي تذبل نضيفلها جزرة مرابية
ونخليها تذبل شوية الجزرة ومبعد نضيف الروز تاعنا ونتبل بالملح والفلفل الاسود وشوية كمون
وهكذا تكون الحشوة جاهزة
من جهة نوجد المرقة تاعنا نقلي طراف الجاج في شوية زيبت مع بصلة والتوابل وورقة الرند و حبة جزر مقطعة دوائر
ومبعد نمرق ونضيف ملعقة الطماطم


والباقي بالصور


http://www.bntmofeid.com/upload/download.php?img=10763


http://www.bntmofeid.com/upload/download.php?img=10764


http://www.bntmofeid.com/upload/download.php?img=10765


هنا كي توجد المرقة نفرغها على الكرمب ونغطي
ونخليها على نار هادية حتى يطيب الروز

http://www.bntmofeid.com/upload/download.php?img=10766





وهنا الطبق جاهز نزين بالدبشة وحبات زيتون وقطعة ليمون



http://www.bntmofeid.com/upload/download.php?img=10767



اسمحولي اذا كاعرفتش نقدم الطبق واي سؤال انا حاضرة



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©