بطاطا محشية بالكفتة في الفرن - اكلة جزائرية

عنوان الموضوع : بطاطا محشية بالكفتة في الفرن - اكلة جزائرية
كاتب الموضوع : hamida
مقدم من طرف منتديات ايمازيغن

الكونــآت :
• بطاطا صغيرة الحجم
• كورجات
• كفتة
• بصل
• زوج فصوص ثوم
• ملح - حرور - جوزة الطيب - قرفة
• شوية زيت
• زبدة
• 2 م/ك فرينة
• 2/1 لتر من الحليب
• 1 جبنة الشاف


طريقة التحضـــير:

◄ نرـpـي البصلة و نضيفها على الكفتة + رشة ملح و حرور و قرفة + م/ص زبدة
و نخلط مليح بيدي


◄ نقشر البطاطا و نخويّها من الداخل مع الكورجات (نحاولو ما نوصلوش للقاع بزاف)


◄ بقايا البطاطا و الكورجات المقشرة نزيدولهم شوية حرور و ملح و م/ك زبدة و نخلطهم مليح


◄ ندهن pــلا تاع فرن و نحط فيه بقايا البطاطا و الكورجات المعطرين


◄ نجيب حبات البطاطا و الكورجات و نرش عليهم رشة ملح بالحرور و نحط في قاع كل وحدة شوية زبدة و نضيف الكفتة


◄ نحط البطاطا المحشوة و الكورجات فوق الخليط في الـpـلا و ادا بقات كفتة نعمل بيها كورات صغار و نزربعها من الفوق


◄ نحضر البيشاميل : الحليب + الفرينة + زبدة + رشة ملح و حرور و جوزة الطيب
و في الاخير نضيف الشاف و نخليه يذوب


◄ نفرغ البشاميل فوق البطاطا و الكورجات المحشيين


◄ ندخلها للفرن حتى تطيب و تتحمر و شهية طيبة







©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©