ملوي يذوب في الفم - من المطبخ الجزائري

عنوان الموضوع : ملوي يذوب في الفم - من المطبخ الجزائري
كاتب الموضوع : chichaki
مقدم من طرف منتديات ايمازيغن

السلام عليكم
ياأخواتي اليوم جبتلكم ملوي ومسمن من مطبخي المتواضع نبدا على بركة الله
المقادير.
دقيق ارطب-فرينة -زيت وزبدة ملح -خميرة الحلوى -خميرة الخبز شوية دقيق باه ترشي
في قصعة تحطي 2كيلات دقيق رطب (الكيلة اختيارية) /كيلة فرينة /ملح/1خميرة تاع القاطو/ملعقة كبيرة خميرة الخبز /ماء سخون باه تلمي العجينة
تحطي العجينة في الكيس المبلول تاع أختنا وأستاذتي "الوهرانية"يخمر ويرتاح شوية حوالي 45دقيقة
ترجعي للعجينة تعجنيها مليح وأذا عندك العجان أحسن أنا معنديش نعجن بيدي ونسقي يعني نزيد شوية شوية الماء
تاخدي شوية زيت+زبدة ذايبة
هناك الطريقة العادية تاع تحلي العجينة بيدك ومبعد تذري شوية سميد ومبعد تقفليا كي envloppe أو الطريقة تاع الملوي وهي تحلي القرصة تديري الزيت والزبدة ترشي الدقيق تقفلي تجبي اليمنى وتجيبي اليسرى من الجهتين مبعد خليط الزيت والزبدة وترشي مرة اخرى الدقيق وهذه المرة ترولي كي الأسطوانة ومبعد تدركي أو تلضي او تعبزي (كل واحد ولهجتو)عليها وتخليها تخمر مرة اخرى ومبعد كي تكملي كل القرطات تطيبيهم راهم يجيو كيما la pate feiutté.
ملاحظة الدقيق بين الطبقات يخليهم مايجيوش معجنين وهشاشhttp://imazighen.univanet.com/images/smilies/1.gif
عذرا مرة اخرى عن الصور
800مشاهدة ولا رد ردو عليا يالحراير http://imazighen.univanet.com/images/smilies/mh31.gifhttp://imazighen.univanet.com/images/smilies/mh31.gifhttp://imazighen.univanet.com/images/smilies/mh31.gif



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©