كسرة بنينة و ساهلة ادخلي متحشميش - اكلات جزائرية

عنوان الموضوع : كسرة بنينة و ساهلة ادخلي متحشميش - اكلات جزائرية
كاتب الموضوع : kouka
مقدم من طرف منتديات ايمازيغن

السلام عليكم
حبيت نحط موضوع في كيفية صنع الكسرة يا رب نكون افدت ولو وحدة ربي يفرحكم
اليكم الطريقة
كيلو سميد يديرلك ثلاث قرصات او خبزات
زوج فناجن زيت
ملعقة اكل و نصف خميرة الخبز
ملح عينك هي ميزانك
اذا حبيتي شوية سينوج
هاهي الصورة و الفنجان اللي كيلت بيه الزيت
و الخميرة حطيها في نص كاس ماء دافئ و خليها تطلع
http://download.mrkzy.com/u/1313_642d4e91bd3e1.jpg

نخلط الدقيق مع الزيت و الملح مليح

نبل بشوية ماء لازم تجي العجينة يابسة
ندخل الخميرة بالشوية و نعجن في نفس الوقت حتان نكمل كمية الخميرة المذابة في الماء الدافئ
نقسم العجينة الى ثلاث قطع متساوية
نعمل قرص و نحطهم في كيس بلاستيكي يخمرو حوالي عشر دقائق
تكوني سخنتي الطاجين تاعك
حليليها و حطيها في الطاجين و ابقاي دوري في القرصة باش تجي طايبة بنفس اللون و كي تصعب عليك باه تدوريها قلبيها تلقايها طابت من الجهة الاولى
تطيب من الجهة الثانية مليح مع التدوير كي المرة الاولى
نحيها من الطاجين و حطي الثانية
و احرقي المحيط دخلي الكسرة بين الطابونة و الطاجين كيما نديرو المطلوع
و بصحتكم
و هاهي طايبة
[IMG]http://download.mrkzy.com/u/1313_cc4268c7bc3d2.jpg[/IMG]



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©