ما عندكش جبن مبشور وحابة ديري بيتزا؟ تفضلي - مطبخ الجزائر

عنوان الموضوع : ما عندكش جبن مبشور وحابة ديري بيتزا؟ تفضلي - مطبخ الجزائر
كاتب الموضوع : hamida
مقدم من طرف منتديات ايمازيغن

http://up.djelfa.info/uploads/13466273241.gif

الوصفة العاشرة

صباح الفل عليكم أخواتي

كما عودتكم ، كل ما نلقى حاجة جديدة ، نجربها و لما تنجح نعلمهالكم باش يكونو دائما عضوات المنتدى نتاعنا متميزات http://imazighen.univanet.com/images/smilies/19.gif
كنت منذ شهور شفت صلصة الموزاريلا المخادعة في منتدى مغاربي و تكاسلت نجربها ، البارح درت بيتزا و تفكرتها ، رجعت المطبخ حقل تجارب http://imazighen.univanet.com/images/smilies/34.gifو جربت 2 حاجات ، الأولى هذه الصلصة و الثانية نخليهالكم مفاجئة ، راهي مازالت في المختبر ما طابتش ههههه http://imazighen.univanet.com/images/smilies/cool.gif
ساعات بزاف يكون ماعنديش جبن مبشور و نحب ندير بيتزا و صراحة الغرييار راهو غالي خاصة لما تكون الأسرة كبيرة واش يكفي فيها غرييار ههههه، لذا لقيت أن هذي الصلصة هي الحل ، جربتها و صلحت وطبعا كما العادة عدلت في الوصفة http://imazighen.univanet.com/images...s/rolleyes.gif .
هذا كان الموجز والآن التفاصيل http://imazighen.univanet.com/images/smilies/34.gif:

المقادير :
* 1 حبة بصل مقطعة رقيقة و مقلية ( حمريها شوية ماشي تذبليها برك + ماديريش بصل أخضر ، ديري بصل عادي + ما تحطيش فيها الملح )
* من 1-2 بيض ( أنا حطيت 2 لأن الكمية نتاعي كبيرة ، درت 2 قرصات بيتزا كبار )
* 6 قطع جبن ( قد ما تحطي جبن جي بنينة و مخادعة هههه http://imazighen.univanet.com/images...es/biggrin.gif )
* فلفل أسود
* ملعقة كبيرة زيت زيتون ( ما تخافيش طعمه لن يظهر فيما بعد )
* 1-2 فنجان صغير حليب ( حسب الكمية )

الطريقة :
حطي كل المكونات في الروبو و ارحيهم ملييييح حتى تتحصلي على صلصة ملساء ، مثل هاذي :

http://www.up.djelfa.info/uploads/136127123600341.jpg

بعد ما تحطي صلصة الطماطم و تزيني البيتزا نتاعك صبيها فوق البيتزا ودخليها إل الفرن و شوفي النتيجة :
http://www.up.djelfa.info/uploads/136127123605022.jpg
أسمحولي الإضاءة في المطبخ قوية ، الصورة جات ضاوية بزاف .

الخداع ليس فقط في الشكل و لكن أيضا في الطعم http://imazighen.univanet.com/images/smilies/19.gif بنيينة مممم ،

* ملاحظات :
* ما نسيتش الملح ، راهي جي مالحة من الجبن ، إذا حطيتو جبن كمية قليلة ذوقو وإذا تحتاج زيدو رشة ملح
* إذا عندك شوووية غرييار مبشور فاضل ديريه فيها ، ماشي مشكل

جربوها و ماتنساوش تدعيولي يرزقني ربي الزوج والذرية الصالحة http://imazighen.univanet.com/images/smilies/mh31.gif




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©