سوفلي الدجاج الرائع من مطبخي و على طريقتي - طبخة جزائرية

عنوان الموضوع : سوفلي الدجاج الرائع من مطبخي و على طريقتي - طبخة جزائرية
كاتب الموضوع : khouloud
مقدم من طرف منتديات ايمازيغن

صحا فطوركم
جبتلكم وصفة السوفلي كيما وعدتكم

المقادير
نصف صدر دجاج ( انا شفت في المنتدى كل واحد واش يقصد ب صدر الدجاج يعني الدجاج يجي فيها صدر واحد كبير ندو نصفو يعني سردة واحدة )
نصف حبة بصل
زيت
فلفل
ملح
قرفة
جبن مبشور
نصف كأس شابلير
1 خمارة تاع القاطو
بيض

الطريقة
نقطعو البصل و نديرو شوية زيت في المقلة و نقلو مليح الدجاج مع البصل و ملح و فلفل كي يتقلي نمرقو و نديرو شوية قرفة مطحونة و نخلوه يطيب
لما يطيب الدجاج نخلوه يبرد و نفتوه و نديروه في زلافة نزيدولو نصف كأس تاع الشابلير و كابشة تاع مرقة لي طيبناه فيها مصفية يعني من دون بصل و الخمارة و الجبن المبشور و نبداو نديرو فالبيض مرات نلحق حتى 6 حبات يجي الخليط جاري شوية بعني مشي ناشف و مشي غير البيض
نجيبو مول نحطو فيه ورق الطهي و نفرغو الخليط و الى الفرن المسخن سابقا حتى يطيب يعني كي دخلي سكين يخرجلك ناشف

تقدري تقدميه وحدو او مع جلبانة ولا زيتون انا نحبو وحدو مي كي يكونو ضياف نزيدو في طاجين بلا منشمخو

و هذو صور من اعمالي ليه فرمضان مرة عملتو مع الزيتون في العرضو اللي شفتوها و مرة وحدو و مرة لخرى في مول السيليكون يعني فردية

http://im46.gulfup.com/uVkjvi.jpg

http://im46.gulfup.com/vUP3cI.jpg

http://im46.gulfup.com/h4juhQ.jpg

http://im46.gulfup.com/6rymo4.jpg

http://im46.gulfup.com/6R7PfT.jpg
http://im46.gulfup.com/vN3Eg2.jpg

http://im46.gulfup.com/fTJgAE.jpg

ان شاء الله نكون وفيت و قدرت نوصل الفكرة للاخت لي قاتلي مبتدئة
صحا صحوركم
في انتظار رأيكم
سلام



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©