لشهر رمضان الفضيل شباح السفرة بالخطوات من مطبخي - من مطبخي

عنوان الموضوع : لشهر رمضان الفضيل شباح السفرة بالخطوات من مطبخي - من مطبخي
كاتب الموضوع : kamiliya
مقدم من طرف منتديات ايمازيغن

السلام عليكن اخواتي
اليوم عملت كمية من الشباح وحطيتها في المجمد وراح نحاول نشرح كل الخطوات لان بعض الاخوات كي يحطوها في الصوص او السيرو تتفتح وتفقد الشكل نخليكم مع الوصفة.
المقادير:
3كيلات لوز مرحي ميكونش غبرة .
كيلة سكر خشن
بيض الصفار نبلو بيه العجينة والبياض نقلي بيه الشباح.
شوية قرفة،القليل من ماء الزهر وماء الورد.
http://http://up.top4top.net/uploads/2015/0...1fdcc7a4e1.jpg]

نخلط اللوز مع السكر والقرفة ونضيف الصفار والقليل من ماء الورد وماء الزهر حتى نتحصل على عجينة متجانسة .

بالنسبة للشكل تقدري ديري اشكال مختلفة نجمة،وردة،.....ان نفضل شكل المثلث ونعملو بطابع المقروظ وكل حبة نقسمها على اثنان هذي الطريقة عملية خاصة في الاعراس كتكون كميات كبيرة وبالنسبة للنقشة الموجودة في الطابع كطيب الشباح ماتظهرش.
نشكل حربوش كما في الصورة

http://http://up.top4top.net/uploads/2015/0...79620d5411.jpg

نحط طابع المقروظ من فوقه ونضغط نقطع مقروظات وكل واحدة نقسمها على اثنان

http://http://up.top4top.net/uploads/2015/0...100b2d2441.jpg

نحط الحبات على ورق الزبدة باه تحافظ على الشكل واذا كانت كمية كبيرة نزيد نحط ورق الزبدة ونحط طبقة ثانية
http://http://up.top4top.net/uploads/2015/0...100b2d2441.jpg

نحط الحبات في بياض البيض طبعا بدون ما نحرك البياض بالشوكة ونقليهم في الزيت على نار متوسطة ونقلبهم بالخف لابد يكون اللون فاتح.


http://http://up.top4top.net/uploads/2015/0...fb36e7f921.jpg
ونحطهم يقطرو في كسكاس ولما يبردو نمسحهم ونعاود نقليهم بنفس الطريقة ونخليهم يقطرو للمرة الثانية ونمسحهم ولما يبردو تماما نحطهم في علبة ونحطهم في المجمد راهم يبقاو كيما راهم لوقت الحاجة.
ممكن نعملهم وحدهم ولا نعمل الطاجين الحلو ونزين من فوق في هذه الحالة اذا كانت كمية صغيرة نحط الشباح في الصوص نتاع الطاجين غير شوية وننزعه ونزين بيه اما اذا كانت الكمية كبيرة كيما في الاعراس والمناسبات نعمل سيرو بالماء والسكر والليمون وكطيب نضيف كمية من عسل سان فرانسيسكو وماء الورد ونرمي الشباح .


http://http://up.top4top.net/uploads/2015/0...6bf84fa7a1.jpg

هنا عملت الطاجين الحلو وزينت بالشباح وبقى محافظ على الشكل.
نتمنى تكون طريقتي واضحة
في امان الله



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©