تارت بالشكلاطة من اختراعي... اقتصادية سهلة و بنينة ياسر - حلوى جزائرية

عنوان الموضوع : تارت بالشكلاطة من اختراعي... اقتصادية سهلة و بنينة ياسر - حلوى جزائرية
كاتب الموضوع : admin
مقدم من طرف منتديات ايمازيغن

بسم الله الرحمن الرحيم

السلام عليكم و رحمة الله

منذ سنوات كنت نعمل هذه التارت بالعجينة المكسرة la pate brisée
و كانت تعجب كل العايلة و كل من يذوقها
هذه اول مرة نديرها بالعجينة المورقة و المفاجأة http://imazighen.univanet.com/images/smilies/sdf.gif عجبت الجميع بدون استثناء و الآن راني حاصلة طيبتها 4 مرات خلال 10 ايام و مازال الكل يطلب فيها و ما زال ما شبعوش منهاhttp://imazighen.univanet.com/images...s/confused.gif ، ثمن الاختراع http://imazighen.univanet.com/images...s/rolleyes.gif
و السبب انني طبخت الورقات لكي نعمل المليفاي (بطلب من العائلة) و جاتني الفكرة القديمة تاعي تاع الشكلاطة و الميرانغ http://imazighen.univanet.com/images...s/rolleyes.gif و جربتها مرة خلاص الجميع نسى فكرة الميلفاي و قالو لي هيا كملي لنا الورقات بالإختراع الجديد http://imazighen.univanet.com/images/smilies/1.gif و بطلنا ما ناكلوش الميلفاي http://imazighen.univanet.com/images/smilies/cool.gif
البنة ما عندي ما نقول احسن و ابن تارت ذقتها في حياتي التقرميش و البنة روووووووووووعةhttp://imazighen.univanet.com/images/smilies/19.gif
نخليكم مع الوصفة

المكونات:
1- ورقة كبيرة عجينة مورقة مطبوخة مسبقا، هنا الطريقة و الحجم و الكيفية ( من مطبخي طريقتي الخاصة في صنع الميلفاي من الألف إلى الياء (بالخطوات المصورة) )
2- كريم باتسيير استعملي نصف الكمية : نصف لتر حليب و 2 م ك نشاء ، و تستبدلي الشكلاطة ب 1 م ص زبدة ( كريم ديسير بالشكلاطة ساهل اقتصادي و بنين ياسر )
3- ميرانغ: 4 بياض بيض، 200غ سكر احرش، ملح، فانيلا: خبطي الجميع بالخلاط الكهربائي حتى تثقل كما في الصورة
فكرة : البياض كان عندي في الفريز، في الدار نستعملو الصفار عادي و نحطو البياض في الفريز في كاس او بلارة عادي كل مرة نضيف 1 بياض
و من ثم نلقى كمية كبيرة تاع بياض و ندير بيها الميرانغ http://imazighen.univanet.com/images/smilies/1.gifاو الكلاصاج، و نفس الشئ بالنسبة للصفار دائما نحطوه في ساشي في الفريز عادي
astuce عفسة صغيرة: ضعي الكل (السكر و البياض و الملح) في ايناء مدة 20 دقيقية حتى يذوب السكر مليح مع البياض لكي يطلع لك بالخف و ما يتعبش الخلاط و لا يديك تاعكhttp://imazighen.univanet.com/images/smilies/1.gif

الطريقة: ضعي الكريم باتسيير على الورقة المطبوخة مسبقا ، خليه يبرد مليح ، ضعي الميرانغ و اصنعي امواج بالملعقة
http://up.djelfa.info/uploads/13244643441.jpg

http://up.djelfa.info/uploads/13244643442.jpg

ضعيها تحمر في الفرن مشعول من الأعلى
http://up.djelfa.info/uploads/13244643443.jpg

تقص و تقدم تفضلو تاكلو بالصحة و الهناء
تقرمش روعة ممممممممممممممhttp://up.djelfa.info/uploads/13244643444.jpg

ملاحظة: تؤكل دافئة في يومها مقرمشة و اذا باتت ليلة راح تفقد التقرميش تاعها و لكم الاختيار في الذوق

تذكروني في الدعاء لي و للمسلمين و المسلمات جميعاhttp://imazighen.univanet.com/images/smilies/mh31.gif



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©