Mini بسبوسة من مطبخي & بالصور ’، - حلوى من مطبخي

عنوان الموضوع : Mini بسبوسة من مطبخي & بالصور ’، - حلوى من مطبخي
كاتب الموضوع : kamiliya
مقدم من طرف منتديات ايمازيغن

السلام عليكم ورحمة الله وبركآته ’،


اليوم درت بسبوسة وحبيت نشآركم ، ان شاء الله تعجبكم كيمآ عجبتني ’،
نبداو بالمقادير :

250غ سميد تاع المقروط
200 غ سكر
250 ملل زيت
125 ملل حليب
مبشور حبة ولا نص حبة قارص
كيس خميرة حلوة
4 بيضات
م ص فانيلا

السيرو:
كاس ماء
كاس سكر
عصير نص حبة قارص

نخلطو كامل المقادير النآشفة ونزيدولهم السوائل ونخلطوهم شوية بالمضرب اليدوي ومبعداتيك نخلطوهوم بالميكسور حوالي 3 حتى لـ 5 دقايق ، وندهنوا صينية الكآب كيك بالزيت ونرشوها بالفرينة ونعمروا التقابي تاع السنيوة 3/4 الحجم ديالهم ، ونحطوهم فالفور على نار متوسطة قيس 15 حتى 30 دقيقة وكي يتحمروا ننحوهم ونعسلوهم (نفرغولهم السيرو ملفوق بالمغرفة)

http://www.mediafire.com/imgbnc.php/...0b13ff8a4g.jpg

السيرو:
نديرو السكر والماء والقارص فوق النار حتى درجة الغليان ونخلوهم يغلوا مدة 10 دقايق ونطفو النار ومبعداتيك نطفولو ونديرولو زوج قطرات فانيلا سائلة ’،


ونقدموه مزين بالبيستاش المرحي

http://www.mediafire.com/imgbnc.php/...d29311dc4g.jpg

بالصحة ولهنآ : )

©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©