أحلى شاي مثلج لأحلى أم كوثر

عنوان الموضوع : أحلى شاي مثلج لأحلى أم كوثر
كاتب الموضوع : admin
مقدم من طرف منتديات ايمازيغن

http://up.djelfa.info/uploads/13466273241.gif

مساء الخير عليكم حبيباتي


حنا مالفين منذ خمس سنوات نشريو الشاي المثلج ( Ice Tea ) اللي جاي على شكل بودرة في علب ( العلبة تتباع بحوالي 400دج على حساب الماركة ) ونخلطولو الماء ويجي بكل اذواق الفواكه : ليمون ، خوخ ، برتقال ، فواكه الغابة ، تفاح ....................... الخ . هو من جهة بنين بنين بصح كي تقراو المكونات تلقاو : شاي فقط خمسة بالمئة والباقي مواد حافظة وملونات ونكهات اصطناعية وعطور .................. هههههههههههه يعني كلو هف في الهف خخخخخخخخخخخخ
كي حسبت التكلفة لقيتو يخرج كيف كيف قلت مالا علاه مانشربوش طبيعي خير http://imazighen.univanet.com/images/smilies/cool.gif.
http://imazighen.univanet.com/images...es/biggrin.gif

بما انو حنا عندنا ديما النعناع غارسينو وكل شهر كي يكبر ويذبل ماما تقصو وترميه والله يغيضني وزيد قبل العرس شرينا بزاف ليمون للعرس والقاطو وبقى رايح يفسد جاتني فكرة نجرب شاي مثلج طبيعي .

بصراحة أروع شراب ذقتو في حياتي منعش ولذيذ ويبرد على القلب والله أحسن من الشاي الساخن وأحسن من أي نوع نتاع عصائر او مرطبات والأروع فيه انو طبيعي وصحي http://imazighen.univanet.com/images/smilies/19.gif ، ندمت اني ماجربتوش من قبل http://imazighen.univanet.com/images/smilies/mad.gifhttp://imazighen.univanet.com/images/smilies/mad.gif.

نجيو للوصفة ساهلة ماهلة :

* 5 أكياس شاي ليبتون الأصفر من الأحسن لانو قاسح باقي أنواع الشاي يجي خفيف بزاف ( ممكن ثاني تستعملو شاي أوراق المهم يتشلل باش تتنحالو المرارة ديرو الكمية نتاع الشاي اللي مالفين ديروها في ثلاث اكواب ماء وديروه شوية ثقيل )
http://im31.gulfup.com/JERNP.jpg
* 3 كيسان كبار ماء بدرجة الغليان + زوج كيسان ماء كبار باااااااارد
* كاس كبير سكر
* عصير ليمونتين ( الاحسن ليمون بلادنا خير من المستورد )
* كمية مليحة من النعناع ( طازج من الاحسن واللي ماعندوش ممكن يستعمل المجفف )

للتزيين :
* اوراق نعناع
* قطع ليمون

الطريقة :
- نحطو الماء يغلي في كاسرول
- كي يغلي الماء نطفيو النار ونحطو مباشرة النعناع وأكياس الشاي ونخليوه حتى يبرد ( حوالي 10-15د لا أكثر باش مايجيش مر لأن الشاي الأصفر نتاع ليبتون قاسح بزاف كي يطول يرجع بمرارة )
http://im41.gulfup.com/tqYlK.jpghttp://im80.gulfup.com/DPdqV3.jpg

- نعصر اكياش الشاي ونحي اوراق النعناع اللي يكونو ذبلو وطلقو الريحة نتاعهم في الشاي وانتهت المهمة نتاعهم http://imazighen.univanet.com/images...es/biggrin.gif.
- نضيف عصير الليمونتين ( أنا مانحبش نصفي اللباب اللي مايحبش ممكن يصفيه وماتخافوش كي تصبوه في الكؤوس مايبانش اللباب خلاص )
- نضيف 2 كيسان ماء بارد ونحرك ونذوق إذا ناقص سكر زيدو حسب الذوق نتاعكم ، لازم طعم الليمون يكون باين وريحة النعناع أيضا هذا هو السبب اللي يخلي هذا المشروب منعش .
في الصورة هذي راهو بارد وأضفتلو قطع الليمون والنعناع ورايحة نصبو في طاس للتقديم.
http://im80.gulfup.com/ufZiyh.jpg
http://im41.gulfup.com/GIoac.jpg
- صبوه في إناء مغلق باش ما يلمش الروائح وحطوه في الثلاجة يبرد مليح مليح مليح مليح .

- كي تحبو تقدموه حطو كمية مليحة من الثلج في الكؤوس وصبو الشاي عليه ويقدم فوووووووووووووووووووووورا لازم يتشرب باااااارد.
أنا هنا جاتنا ضيفة على غفلة هذاك وين وجدتو ومازال سخون كثرت الثلج في الكاس
http://im80.gulfup.com/3DOos5.jpg
http://im80.gulfup.com/bouKXQ.jpg
http://im41.gulfup.com/Cx8vR.jpg

وهاهو واجد
http://im33.gulfup.com/X9VoU.jpg
إذا حبيتو ممكن تزينوه باوراق نعناع طازج وقطعة ليمون ومن الاحسن لو ماتشربوش مباشرة من الكأس لأنه بارد استعملو paille كيما اللي في الكاس مانعرف كيفاش يسميوها بالعربية http://imazighen.univanet.com/images...es/redface.gif باش ماتتضررش أسنانكم http://imazighen.univanet.com/images/smilies/smile.gif .
http://im33.gulfup.com/cXULh.jpg

- إذا عندكم ضياف وحبيتو تقدموه بشكل أنيق فرغوه في إبريق وزيدو فوقو قطع ثلج وقطع ليمون وأوراق نعناع fresh والله غير يحمر الوجه رووعة قدام الضياف وبأشياء بسيطة تقدمو حاجة بريزونتابلhttp://imazighen.univanet.com/images/smilies/19.gif.
http://im41.gulfup.com/HWiSW.jpghttp://im80.gulfup.com/TyeMsU.jpg
شوفو عن قرب :
http://im41.gulfup.com/EwDnr.jpghttp://im80.gulfup.com/ucmBJM.jpg


وهذا كاس لأول وحدة تنوض الصباح هههههههههههههههه .
http://im41.gulfup.com/NUnu5.jpg
http://im33.gulfup.com/ZQPCQ.jpg

* ملاحظة : هذي المقادير راهي تعطيكم كمية مليحة وكافية خاصة إذاقدمتوه مع كمية مليحة من الثلج http://imazighen.univanet.com/images/smilies/wink.gif
* هذا الشاي راهو يجي خفيف في التركيز وخفيف في السكر ثاني لانه يشرب كمرطبات يعني بكمية كبيرة هكذا مايضرش .
.

بالصحة والهناء على قلوبكم http://imazighen.univanet.com/images/smilies/mh31.gif .



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©