مقروط اللوز - قاطوات جزائرية

عنوان الموضوع : مقروط اللوز - قاطوات جزائرية
كاتب الموضوع : hamida
مقدم من طرف منتديات ايمازيغن

المقادير

500غ لوز رقيق
250غ سكر قلاص
زاست تع 2 حبات قارص
مغرف قهوة فانيليا
صفار البيض
للسيرو نديرو ربع ليتر ماء زهر + 100غ سكر قلاص + مغرف قهوة فرينة
كمية من سكر قلاص باش نلبسوه


اولا مقروط اللوز يختلف عن المخبز باحتوائه على صفار البيض لي يمدلو ذوق بنين
الخطوة الاولى هي نصيرو اللوز في صيار رقم 16 باش نحيو البودرة باش ما يجيناش مدكوك منبعد نجوزوه 2 ولا 3 مرات في صيار رقم20
الخطوة 2 نخلط اللوز + السكر منبعد نزيدو زاست القارص ولازم يكون اصفر في المقروط هدا الاختلاف الثاني عن المخبز ثم نضيفو الفانيليا
الخطوة3 ندير حبة بيض ثم الصفار حتى نتحصلو على عجينة نقدرو نتحكمو فيها وتلصق شوية في الاصابع
الخطوة 4ناخد كرة صغيرة من العجينة ونضعها فوق الطاولة ادا هبطت معناها مشمخة ولا ميدمة بزاف نزيد السكر واالوز حتى تولي مليحة
الخطوة5 نرش شوية فرينة نديرو حربوش تع 3سم ارتفاع و3 سم عرض ونخدمو براحة اليد باش ما يكونوش اثار الاصابع منبعد نلمو القاعدة تع المقروط من كامل الجوانب علجال كي يطيب ينطلق ومن الاحسن نخلوه يرتاح ساعة ولا اكتر منبعد نطيبوه في فرن مسخن 130 الى 140 درجة
الخطوة 6 كي يبرد المقروط نديروه في السيرو ونخلوه يقطر منبعد ندفنوه في السكر قلاص ونخلوه كاش نصف ولا ربع ساعة لداخل منبعد نفينيسييو الحبة تاعنا نرشوها بالسكر باش يبان مرمل



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©