اجمل والذ وصفات انواع السمك المقلي والمشوي - وصفة من مطبخي
عنوان الموضوع : اجمل والذ وصفات انواع السمك المقلي والمشوي - وصفة من مطبخي
كاتب الموضوع : mira
مقدم من طرف منتديات ايمازيغن
http://s0.2mdn.net/viewad/817-grey.gif
السمك بالزيت والليمون
..المقادير:
-سمك منظف ومشقوق شق صغير من البطن(أنا أستخدمت الدنيس)
-تبيله الثوم واللي هستخدم منها فكذا وصفه وهي عباره عن(ثوم مدقوق+شطه ناشفه حراقه+كمون+ملح+عصير ليمونه)
-ربع ك زيت+ م ص ملح + عصير 3 ليمونه"ممكن أكتر لو تحبي"
-نص م ص كركم
..الطريقه:
-تعمل شقوق في السمكه من الخارج ..وتبل السمكه من الداخل وفي الشقوق بتبيله الثوم ثم تدهن بالكركم من الخارج
-يرص السمك في صينيه ثم يضاف له ملعقتين من خليط الليمون والزيت ويدخل الفرن علي نار عاليه نوعا وبعد أن يتشربها السمك يضاف له كميه أخري من العصير وهكذا ..ثم يحمر فالشوايه ويقدم مع أرز صياديه أو أرز أصفر..
..........................................
السمك الصيدية
...المقادير:
-سمك منظف ومقطع أجزاء بالعرض(أستخدمت القاروص)
-بصله متوسطه
- ربع ك عصير طماطم(أكلتي لفردين فقط)
-ليمونه
-ملح وكمون وشطه
..الطريقه:
-تحمر البصله فالزيت حتي تتحول للون البني(مش تتحرق يعنيلأن في ناس بتحرقها فعلا وده طبعا غلط)
-ترفع البصله من الزيت وتوضع في الخلاط ويضاف لها كوب ماء وتضرب
-تصب مره أخري في أناء التحمير ويضاف لها عصير الطماطم وعصير ليمونه وملح وكمون وشطه خفيفه
-ترك تغلي علي النار وعندما يثقل قوامها يضاف السمك ويترك لينضج .
...................................
السمك السنجارى
..المقادير:
- سمك منظف (أستخدمت البوري)وهنا أستخدمت طريقتين لشق السمك فقمت بشق بعضهم طوليا من الرأس "كنت كلتها فاسكندريه وعجبتني وشفت أم شادي الله يبارك فيها عملتها فالمنتدي" وطريقه تانيه وهي اللي كنت بعملها قبل كده كنت بنظف السمك من فتحه الخياشيم من غير عمل أي شق فبطن السمكه
-طماطم وبصل مقطع مكعبات
-تبيله الثوم
-عصير ليمون
..الطريقه :
-يدهن السمك المشوق بتبيله الثوم والغير مشقوق يتبل من الداخل
-يرص خليط البصل والطماطم علي السمك ويحشي بطن السمكه الغير مشقوق
-يرص في صينيه مدهونه زيت ويرش بالملح والكمون وعصير الليمون ويرفع علي نار أو يدخل الفرن ويحمر
.........................................
السمك المشوى
..المقادير :
-سمك بوري أو أي نوع تفضليه
-رده (نخاله الدقيق)
-ملح وليمون وشطه يرش بهم السمك بعد الشوي ولو السمك صغير زي السردين يفضل أضافه الماء للتبيله
..الطريقه:
-يرش السمك بالرده ويرفع علي صاج ساخن أو يدخل الفرن ( وأنا بشويه فالفرن علشان كده مش بعرف أصور الخطوات)
-يقلب علي الجانبين ثم تهدأ النار حتي يجف ماؤه لو حجم السمك كبير
-يخرج من الفرن ويرش فورا بالملح والليمون والشطه ويغطي جيدا جدا
................................
السمك المقلى
طبعا ماشاء الله كل الناس عارفه طريقته بس ساعات ناس بتسأل بالتحديد عن الطريقه الدمياطي ودي طريقتي أنا شخصيا ويارب تعجبكو
..المقادير:
-كميه سمك حسب العدد(أستخدمت سمك موسي)
-تبيله الثوم
-زيت للقلي
-دقيق للتغطيه مضاف له بيكنج بودر
..الطريقه:
-يتبل السمك ثم يترك ساعه علي الأقل ثم يغطي بالدقيق
ثم يدخل الثلاجه من نص ساعه لساعه ثم يحمر في زيت غذير
اتمنى ان ينال ع اعجاابكم
<<ولآتننسوون التقييم بليز عدولآتـ..http://imazighen.univanet.com/smilies/1/71.gif
قد تكوني مهتمة بالمواضيع التالية ايضاً:
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
