بيتزا بالشيش طاوووووووووق ما لهاش حل تحفة انا جربتها - وصفة من مطبخي
عنوان الموضوع : بيتزا بالشيش طاوووووووووق ما لهاش حل تحفة انا جربتها - وصفة من مطبخي
كاتب الموضوع : amira
مقدم من طرف منتديات ايمازيغن
النهاردة معايا بيتزا لذيذة بالشيش طاووق
وكمان الشااااااااورما
وهقولكم علي تكات التسوية كمان يلا نبداْ
3 كوب دقيق +2 ونصف معلقة كبيرة سكر+1 معلقة كبيرة خميرة+3 معالق كبيرة لبن بودرة
معلقة صغيرة ملح +نصف معلقة صغيرة بيكنج بودر +ربع كوب زيت +ماء دافي للعجن
تخلط المكونات بالماء الدافئ وتعجن باليد جيدا مع مراعاة وضع الماء واحدة واحدة نلم العجينة فقط
ثم تغطي بكيس وفوطة وتوضع في مكان دافئ
وده شكلها
ثم نعمل الحشو عبارة عن شيش طاووق وشاورما
بالنسبة للطاووق نقعته في زبادي وبابريكا وثوم وفلفل ومعلقة خل
وبعدين في معلقة واحدة سمن وطاسة ساخنه وضعته وبعد ما استوي وضعت عليه الفلفل والبصل زي كده
اما الشاورما فنقعتها في خل وليمون وتوابل
ثم بنفس طريقة الطاووق سويتها وعلها وضعت البصل والطماطم والبقدونس زي الصورة
وهنا بقي فردت العجينة في الصينية وعليها كاتشاب والزيادة قطعتها بالسكينة
وطبعا لازم رشة دقيق وانتي بتفرديها
ودهنتها كاتشاب
وبعدين حشيت اول صينية نص طاووق ونصف شاورما زي كده
وعشان الجبنة تبقي سايحة ونايحة زي بيتزا هت هنحط نوعين يا قمرات اول نوع هو
شيدر صفراء بس شرايح زي الصورة بصوا كده وشوية مشروم هديه
وكمان رشة زيتون وفوقها المووووووووووووووتزاريلا كمان بصة كده
وحطيت شرايح طماطم علي الوجه وتعالوا نشوفها بعد ما استوت
وعشان الحبايب عملت واحدة بالمشروم والفلفل والزيتون والطماطم واربع انواع جبنة
رومي وشيدر وكيري وموتزاريلا
لاحظوا هنا العجينة طرية جدا ويا عيني مش قادرة تشيل الحشو هههههههههه
مين عاوز قطمة
بصوا بقه يا ثيمازيغين علي التكات
اول حاجة وانتي بتعجني حطي الماء واحدة واحدة لحد ما تلمي العجينة فقط بلاش تزودي
اهم حاجة بعد ما تتخمر حوالي ساعة وتفرديها في الصينية تسيبيها ترتفع تاني ربع ساعة
وبعدين تحشيها وتاني حاجة مهمة سخني فرنك علي اعلي درجة وما توطيش لان البيتزا تحتاج حرارة عالية
وكمان بتاخد حوالي 5 دقايق وبتكون استوت من تحت وهنا بقي تقومي حضرتك طافية النار
وتولعي الشواية تحمري الوجه وديه التكات اللي هتخللي البيتزا طرية جدااااااااااااااا
يعني انا سويت ال2 بيتزا من تحت 5 دقايق ورفعت من تحت لقيتها استوت طفيت النار فورا
وحمرت الوش بالشواية
يارب اكون افدتكم ووصلتلكم الفكرة وتجربوها
قد تكوني مهتمة بالمواضيع التالية ايضاً:
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
