خلي بالك و ومتفتحش معاها كلام وانت مش قده حفاظاً علي حياتك - حياة زوجية
عنوان الموضوع : خلي بالك و ومتفتحش معاها كلام وانت مش قده حفاظاً علي حياتك - حياة زوجية
كاتب الموضوع : chahinez
مقدم من طرف منتديات ايمازيغن
1- طيب
الكلمة دي بتستخدمها الزوجة عشان تنهي النقاش ..
و انت لازم تسكت و تللم الدور عشان لو مستوعبتش كلمة طيب دي . بتتقلب لشر بعيد عنك . فلخص و قصر
2 - ولاحاجة
الكلمة دي بقي لما تبقي الزوجة قالبه وشها و يجي جوزها يسألها في ايه . مالك . فترد بهدوء .. ولا حاجة ... و ده يا أبو الكباتن بيبقي الهدوء الي بيسبق العاصفة .. ومعناها ان في حاجة كبيرة و هي بتخطط هتتصرف إزاي
3 - لاعادي
كلمة من اخطر الكلمات .. ايواااا .. متستهونش ... ومعناها ان الزوجة بتفكر بشكل مطول وعميق قبل ما تدفع تمن الي عملته و الي بتعمله غالي اوي .. وهتعرف ان الوضع مكنش عادي خااالص
4 - براحتك
اوووبااز ... دي بقي كلمة تحذيرية يعني بالعربي كده براحتك اعمل الي انت عايزة . بس الناحية التانية يا ويلك لو كسرتلها كلمة و منفذتش الي هي كانت عاوزاه اساساً . بس براحتك يعني ...
5 - لا شكرا
معني الكلمة دي ان الغضب بدء يستشري في اعماقها و ان اللعنه هتحل عليك لا محاله لو ملمتش الدور . لا شكرا يبقي إركن على جمب بقي دلوقتي
6 - أهااا
لا يامعلم دي مش بتشاركك الحوار . دي سامعالك كويس بس شاكة في حاجة وانت بحوارك وقعت يا حلو و أكدتلها شكها ... الحق نفسك بقي لما تلاقي كلمة أهاا دي طلعت و لطف الجو وشوف وقعت بلسانك في اي و صحح أخطاءك
و في النهاية احنا مش بنقول ان الزوجة كل كلامها ليه مغزى تاني وانك تخاف من كل كلمة تقولها ..... ابسيلوتلي ...... بس من الاخر خلي بالك و ومتفتحش معاها كلام وانت مش قده حفاظاً علي حياتك
قد تكوني مهتمة بالمواضيع التالية ايضاً:
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
