أناشيد مكتوبة للاطفال- العناية بالأطفال
عنوان الموضوع : أناشيد مكتوبة للاطفال- العناية بالأطفال
كاتب الموضوع : mira
مقدم من طرف منتديات ايمازيغن
بسم الله
بسم الله بسم الله *** أحلى كلام أتعلمناه
لما ناكل لما نشرب *** لازم كلمة بسم الله
لما نقرأ لما نكتب *** لازم كلمة بسم الله
لما نجرى لما نلعب *** لازم كلمة بسم الله
بسم الله بسم الله *** أحلى كلام أتعلمناه
http://imazighen.univanet.com/smilies/6/xs03gif593.gif
الأعداد
واحد هو ربى *** اتنين بابا وماما
تلاته هما أخواتنى *** أربعه هما أصحابى
خمسه هى صلاتى *** سته أقوم من بدرى
سبعه أروح حضانتى *** تمانيه الحصه الاولى
تسعه وقفة عرفه *** عشره يوم العيد
http://imazighen.univanet.com/smilies/6/xs03gif593.gif
الكتكوت الصغير
ياكتكوت ياصغير
مالك كده متحير
مين طلعلك ريشه
يمكن بابا
لالالالا
يمكن ماما
لالالالا
امال مين
هو رب العالمين
http://imazighen.univanet.com/smilies/6/xs03gif593.gif
العصفوره
العصفوره جمعت قش *** قشه وقشه بنت العش
عشها عالى عند الشجره *** يعلو يعلو عند القمر
من عرفها مكان القش *** من علمها تبنى العش
هو الله هو الله *** سبحان الله سبحان الله
http://imazighen.univanet.com/smilies/6/xs03gif593.gif
كتكوتى
كتكوتى أصفر وجميل
وصغير وريشه حرير
بيصوصو ويغنى كمان
وبيعرف أحلى الالحان
كتكوتى كان جوه البيضه
وبمنقاره كسرها
وخرج وعملنا زيطه
بيصوصو وينقرها
كتكوتى بينده ماما
ويدور فى كل مكان
واهى جاتله بالسلامه
وفحضنها على طول بينام
http://imazighen.univanet.com/smilies/6/xs03gif593.gif
حى على الصلاه
حى على الصلاه ***حى على الفلاح
فلنذكر الصلاه*** فى أول الفجر
والظهر والعصر***ثم نصلى المغرب
وبعدها العشاء***وبعدها العشاء
ونختم صلاتنا*** بالحمد والثناء
قد قامت الصلاه*** يا أخوة الايمان
الله فى علاه *** قد أمر الانسان
أن يعبد الاله *** ويطلب الاحسان
http://imazighen.univanet.com/smilies/6/xs03gif593.gif
الشمس
أصحى ياشمس بدرى*** خلى البحر يغلى
يطلع منه بخار *** يبقى سحاب طيار
يجى الريح ويشيله *** يتخانق وزميله
يحصل رعد وبرق ***يجى الخير والسعد
مطره تسقى الارض
http://imazighen.univanet.com/smilies/6/xs03gif593.gif
أول شرط
أول شرط فى الايمان *** نسمعه فى كل أذان
لا إله ألا الله *** محمد رسول الله
نشهد أن لارب سواه *** لاإله إلا الله
نشهد أن نبى الله *** محمد رسول الله
http://imazighen.univanet.com/smilies/6/xs03gif593.gif
الحضانه حلوه
الحضانه حلوه***بتعلمنا غنوه
شمر أيدك شمر***أبنى معايا وعمر
إبنى مسجد عالى ***هو أملنا الغالى
وإحنا ياهنانا***أطفال الحضانه
الميس بتوصينا***نحب بعضينا
http://imazighen.univanet.com/smilies/6/xs03gif593.gif
ميه يا ميه
ميه ياميه ***تعالى عندنا
علشان نتوضأ***ونصلى لربنا
ابعد ابعد ***ياشيطان
كل اما اسمع*** الاذان
أتوضأ وأصلى*** للرحمن
أنا مسلم صاحى*** مش كسلان
رمز لأمة الاسلام
http://imazighen.univanet.com/smilies/6/xs03gif593.gif
خروفى
خروفى ياخروفى***ماء ماء ماء
يلابس بدله صوفى***ماء ماء ماء
ليك قرنين***وأربع رجلين
تاكل كتير***وتبقى تخين
وندبحوك ***فى العيد الكبير
http://imazighen.univanet.com/smilies/6/xs03gif593.gif
الحروف
رايح فين يا حماده***رايح أجيب شوكلاته
أنت ومين ياحماده***أنا وماما وبابا
شفتم ماما*** جابتلى أيه
نونو صغير***ياختى عليه
يالا نبوسه من أيديه***ونعلمه الف به
(ونقول الحروف الابجديه مع الطفل )
http://imazighen.univanet.com/smilies/6/xs03gif593.gif
الوضوء
بنى توضأبماء طهور
فماء الوضوء لوجهك نور
إذا رضى الله عن عبدا اتاه
أتاه الهناء ونال السرور
بنى توضا وقم للفلاح
ففى طاعة الله سر النجاح
إذا رضى الله عن مسلما بدا
مشرق الوجه مثل الصباح
http://imazighen.univanet.com/smilies/6/xs03gif593.gif
الوضوء
بسم الله أنا أتوضأ
وبها يومي دوما يبدا
اغسل وجهي واليدين
امسح رأسي والرجلين
لا أسرف أبدا في الماء
فتقبل ربي دعاء
http://imazighen.univanet.com/smilies/6/xs03gif593.gif
الأعداد
السما فين***فوق فوق
والأرض فين*** تحت تحت
أنتم وحشين*** لالالا
أنتم حلوين*** اه اه
الايد دى كام*** خمسه
والايد دى كام*** خمسه
يالا نحط إيد على إيد***يبقو عشره بالتاكيد
(ونقول الاعداد من 1الى 10)
الناشيد ده بيكون مشاركه بينك وبين الطفل يعنى تقولى والطفل يرد عليكى
http://imazighen.univanet.com/smilies/6/xs03gif593.gif
نشيد الحروف الهجائية
ألف أرنب يجري يلعب يأكل جزرا كي لا يتعب
باء بطة نطت نطة وقعت ضحكت منها القطة
تاء تاج فوق الراس فيه الذهب وفيه الماس
ثاء ثعلب صاد دجاجة هو ماكر وقت الحاجة
جيم جمل في الصحراء مثل سفينة فوق الماء
حاء حج أسمى رغبة فيه طواف حول الكعبة
خاء خبز عند البائع لا يأكله إلا الجائع
دال ديك حسن الصوت قام يؤذن فوق البيت
ذال ذئب وحش صلب لا يرهبه إلا الكلب
راء رجل عرف الدين فهو صدوق وهو أمين
زين زهرة أصفر أحمر هي بعيني أحلى منظر
سين ساعة تحفظ وقتي في مدرستي أو في بيتي
شين شمس صنع قدير فيها الدف وفيها النور
صاد صائد ألقى الشبكة بعد قليل صاد سمكة
ضاء ضابط يحمي وطني يحفظ أمني يرعى سكني
طاء طفل أجمل طفل فهو نظيف حسن الشكل
ظاء ظفر نظفناه طال قليلا فقصصناه
عين عين تخش الله تشهد خيرا فيه رضاه
غين غار غار حراء فيه أنزل القرآن
فاء فيل ذو أنياب وهو صديق يا أصحاب
قاف قمر فيه منال ومواقيت تهدى السائل
كاف كلب عاش جواري يحرس غنمي يحرس داري
لام لحم ينمو جسمي يكسو عظمي فيه أسمى
ميم مسجد بيت الله فيه أؤدي كل صلاة
نون نهر نهر النيل فهو كريم غير بخيل
هاء هرم عال القمة وبناؤه رمز للهمة
واو وجه للإنسان فيه إشراق بالإيمان
ياء يد ترسم زهرة تبدع شكلاً تظهر فكراً
(الناشيد ده كل يوم تعلمى الطفل حرف جديد يتعلم بيت جديد من الناشيد لانه كبير وبياخد وقت فى الحفظ بس لو حفظتيه للطفل بالشكل ده هايحبه ويكون سهل عليه)
http://imazighen.univanet.com/smilies/6/xs03gif593.gif
(الناشيد الجاى ده الاطفال بتحبه أوى لانه كله حركات والاطفال طبعا بتحب الحركه فالناشيد ده هانمثل كل حاجه فيه وأحنا بنقوله)
قطتى نانى
قطتى يانانى ياكاملة المعانى
فاكره لما جيتى جيتى وأتشاقيتى
حتى بالاماره شديتى الستاره
جيتى وقولتى آسفه
مش هاعملها تانى
كده كده كده بنعد العصافير
كده كده كده نغسل الغسيل
كده كده كده ننشر الغسيل
كده كده كده نعجن العجين
كده كده كده نبطط العجين
كده كده كده نخبز العاجين
كده كده كده نصقف للشاطرين
كده كده كده نصقف للخايبين
كده كده كده نقعد ساكتين
(طبعا كل حركه أحنا هانمثلها مع الطفل)
http://imazighen.univanet.com/smilies/6/130151.gif
دول الاناشيد اللى انا فكراها وطبعا فى اناشيد اكتر بس يارب تعجبكم
قد تكوني مهتمة بالمواضيع التالية ايضاً:
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©