صور وصفي الخاصة بالبيتزا 1 - مطبخ الجزائر

عنوان الموضوع : صور وصفي الخاصة بالبيتزا 1 - مطبخ الجزائر
كاتب الموضوع : kamiliya
مقدم من طرف منتديات ايمازيغن

بسم الله الرحمن الرحيم

كما وعدتكن عزيزاتي اليوم عملت البيتزا للغداء و صورت مراحلها بالتفصيل الممل باه تفهمو مليح و تشوفو شحال هشوشة و رااااااااااااااااائعة

الجزء الأول 1 الصلصة و الزينة

لازم نبداو بالصلصة لأنو مراحلها طويلة شوية لازم تعمليها و تتركيها تبرد باه ما تعجنلكش عجينة البيتزا

ممكن تعمليها قبل بيوم او تعملي كمية كبيرة من الصلصة و خصوصا الطماطم متوفرة و رخيسة و تحطيها في علب صغيرة ، و توضعيها فالثلاجة تجمد ، و كلما احتجت خرجيها و عاودي سخنيها قيلا على النار و ضيفي شوية ثوم طازج و استعمليها عادي

http://desmond.imageshack.us/Himg542...pg&res=landing


http://desmond.imageshack.us/Himg688...pg&res=landing


http://desmond.imageshack.us/Himg803...pg&res=landing


نحطوها في قدر مع القليل من الزيت و ملعقة كبيرة صلصة طماطم ، ملح و فلفل اسود تغلى على نار قوية باه تتبخر السوائل لي فالصلصة

و هادي الصلصة بعد ما نشفت

http://desmond.imageshack.us/Himg27/...pg&res=landing

نرحيها في مطحنة يدوية باه يبقاو القشور فوق
و تقولو علاه ما طحنتهاش من الاول
نقولكم السر في نكهة الطماطم هو القشور لي تتركز فيها البنة
على قول لحبيبة امي الله يذكرها بالخير البنة كامل فالقشور

http://desmond.imageshack.us/Himg269...pg&res=landing


و هاذي الصلصة بعد ما خلصت الطحن و رجعتها على النار نشفت مليح مع التحريك المستمر

http://desmond.imageshack.us/Himg267...pg&res=landing

و هاذو القشور و خيوط البصل لي بقاو ملعقة فقط كامل نزل مع الطحن ما بقا إلا القشور لي تضر المصران http://imazighen.univanet.com/images/smilies/1.gif

http://desmond.imageshack.us/Himg443...pg&res=landing

و شوفو الآن حبيباتي الصلصة لي بقاتلي واش راح نعمل بيها

لأنها كمية قليلة عملتها بالطريقة التالية و حطيتها فالثلاجة باه تجمد مليح

لما تجمد ننزعها من المول و نحطها في اكياس صغيرة ، كل مرة لما نطبخ نحط مكعب ولا اثنان او ثلاثة على حسب الطبخة واش تحتاج طماطم

و هاذي الطريقة ممكن نستعملها بكميات كبيرة من الصلصة ، لانو الطماطم فالصيف رخيسة ، نحطها في اكياس كل كيس فيه كمية تاع شهر تقريبا ، و نستعملها طول العام ، بما انو الطماطم فالشتاء يزيد سعرها كثيرا

http://desmond.imageshack.us/Himg17/...pg&res=landing

المهم و هادي الزينة : انا استعملت المايونيز ، الجبن ، التونة ، البيض المسلوق ،
و شرائح البصل مع الفلفل الأخضر الحلو مذبلين في قليل من الملح و الزيت و الماء حتان يطراو

http://desmond.imageshack.us/Himg255...pg&res=landing

المايونيز نعملها بورق بلاستيكي الرولو راهو يتباع و نغلق الكيس باحكام و نثقبها بالسكين ثقبة صغيرة نعمل بيها تموجات

http://desmond.imageshack.us/Himg811...pg&res=landing

http://desmond.imageshack.us/Himg560...pg&res=landing


و هادي سلطة فواكه بسيطة عملتها لغدائنا اليوم بالعنب و البطيخ الأصفر ط الفقوس "

طحنت الماء تاع البطيخ مع ملعقة سكر و بعض القطع و القليل من ماء زهر
ضفتلهم قطع الفقوس و العنب و خلطت مليح

http://desmond.imageshack.us/Himg404...pg&res=landing

الباقي واش عملت ما كملتش صورتو كان عندي الضياف ما كفانيش الوقت



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©