مع أو ضد *1* الصغار وسط الكبار عالم الطفل
عنوان الموضوع : مع أو ضد *1* الصغار وسط الكبار عالم الطفل
كاتب الموضوع : mira
مقدم من طرف منتديات ايمازيغن
السلام عليكم
كل عام وانتم بخير يا أمهات اللمة و ربي يخليلكم أولادكم و يترباو في عزكم
حبيت نطرح موضوع ناقشوه مع بعض
... و الهدف من الموضوع اننا نستفادو من أفكار و أخطاء بعضنا في تربية أولادنا
* في هذا رمضان كاين ديار رحتلهم معمرين ديما بالضياف نساء طبعا و الاكيد انهم يحكو في سوجيات تاع كبار
..لي تحكي على راجلها قدام بناتها .. لي تحكي على فلانة تخطبت و كيفاه تعرفت على خطيبها
.. لي تحكي على فلانة دارت و عملت
... الخ من المواضيع ، مع العلم ان البنات هاذو في سن المراهقة وللا حتى في الابتدائي
** كاين لي سقسيتهم كيفاش يحضرو بناتهم لهاذ النقاشات كاين لي قالتلي معليش يسمعو باش يتعلمو و كايش لي تشوف فيهم صغار و ميفهمو والو
من جيهتي نعطيكم مرة سمعت اولاد عم في الابتدائي يحكو على ورث جدهم لي مازالو حي كي يموت شكون يدي اكثر من بياتهم
و لاحظتمرة وحدة تحكي على وحدة قدام بنتها كي جات هاذيك المرا وللات البنت تشنف عليها و المرا ماهي فاهمة والو
؟؟؟؟
سؤالي:
- وش رايك في المرا لي تخللي بنتها وللا حتى بينها يحضر لنقاشات النساء الكبار ؟
- أسكو انت مع أو ضد الفكرة و لماذا؟
في انتضار تفاعلكم و آراءكم في الموضوع
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
