عنوان الموضوع : غراتان الخرشف
كاتب الموضوع : madiha
مقدم من طرف منتديات ايمازيغن
كاين بزاف ناس مايبغوش الخرشف سيرتو لولاد الصغار كيما هنا عندنا في الدار ماكانش اللي ياكلو من وقت اللي بديت نخدمو غرتان ولاو يموتو عليه يجي هايل والبنة تاع الخرشف قاع ماتبانش
نحتاجو في الغراتان خرشف منقي وطايب مليح ومقطع وبطاطا مقطعة ومقلية ثوم تكثرو شوي ثوم تجي هايلة بالثوم واللي مايحبش الثوم بزاف دير سنة ولا زوج انا نبغي نكثر مايبانش الذوق نتاعو بزاف والبيض لازم يتغطاو الكونات بالبيض انا درت 5بيضات كبار وفرماج النوع اللي تحبوت انا كان عندي شدار رابيتو ودرتو
http://im35.gulfup.com/1VQMW.jpg
نبداو اولا بالخرشف نقوه كيما موالفين ونطيبوه في الماء والملح حتى يطيب مليح انا كي نكون مزروبة نغلق عليه بالكوكوت وهو يديب تقطعي البطاطا كريات صغار وتقليهم على حسب افراد العائلة تبغو تكثر تبغو ديرو حاجة قليلة المهم كمية الخرشف والبطاطا من الاحسن تكون كيف كيف وكي يطيب الخرشف صفوه ومن بعد قطعوه هو ثانيك كاريات كيما راه في الصورة
http://im35.gulfup.com/dcsQK.jpg http://im35.gulfup.com/DyCnf.jpg
كي نكملو نخلطو الخرشف مع البطاطا
http://im38.gulfup.com/Y7j5E.jpg
ومن بعد نحكم البيض ونرابي سنات الثوم معاة وندير شوي ملح ونضربهم مع بعض ونفرغهم فوق البطاطا والخرشف ونخلطهم مليح مع البيض باش يتشمخو قاع بالبيض ونسويه مليح بالمغرفة كيماراه في الصور
http://im38.gulfup.com/GZHG4.jpg http://im38.gulfup.com/ybcEW.jpg
وهنا انا رابيت الفرماج ودرتو من الفوق
http://im38.gulfup.com/566Xv.jpg http://im38.gulfup.com/csRN1.jpg
وندخلها للفرن كل وحدة والفرن نتاعها انا مانديرلهاش وقت ساعة على ساعة نضرب طلة باسكو كل شيء الطايب غير البيض ينشف
http://im38.gulfup.com/81c40.jpg
هنا راهي طابت وخرجتها من الفرن
http://im38.gulfup.com/3xBDG.jpg
وهنا بعد مابردت شوي وقطعتها
http://im32.gulfup.com/ydGkp.jpg http://im32.gulfup.com/9Gs3m.jpg
انشاء الله تكون عجبتكم جربوها ماغديش تندمو عليها
دعوة الخير تكفيني
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
