عنوان الموضوع : طريقة عمل بسكوت العيد بالصور خطوة خطوة البسكويت المقرمش بالبكينج بودر بدون نشادر - حلويات
كاتب الموضوع : hamida
مقدم من طرف منتديات ايمازيغن
كل سنة وانتم طيبين بمناسبة شهر رمضان الكريم أعاده الله عليكم بخير وبمناسبة قرب حلول عيد الفطر المبارك اقدم اليكم طريقة عمل بسكوت العيد المقرمش بالبكينج بودر بدون نشادر بطعم البرتقال او اي طعم,
طريقة عمل بسكوت العيد بالصور المقرمش بالبكينج بودر بدون نشادر بطعم البرتقال او اي طعم ,طريقة عمل بسكوت العيد بالصور خطوة خطوة البسكويت المقرمش بالبكينج بودر بدون نشادر
http://up.3dlat.com/uploads/3dlat.com_14052760381.jpg
المقادير
7 ونصف كوب دقيق = كيلو دقيق + نص كوب دقيق
معلقة كبيرة ونصف بكينج بودر
كوبين سكر بودرة
4 بيضات كبيرة
كوب زبدة طرية + ربع كوب زيت
نصف كوب مية ندوب فيها معلقتين كبار بودرة عصير تانج بنكهة البرتقال
1 و 1/2 معلقة كبيرة بشر برتقال
ربع معلقة صغيرة فانيلا
ربع معلقة صغيرة ملح
(بامكانك استبدال بشر البرتقال وبودرة عصير التانج بجوز الهند وروح جوز الهند او اي نكهة او طعم تحبين)
الطريقة
اسهل مايكون بسم الله
http://up.3dlat.com/uploads/3dlat.com_14052706401.jpg
نحط الزبدة الطرية زي كده في بولة مع الزيت
http://up.3dlat.com/uploads/3dlat.com_14052706402.jpg
ونخفق لمدة 5 دقايق لغاية ماا لون الزبدة يبيض زي كده
والفرق يكون واضح بين الزبدة الصفرا بدون خفق وبين الزبدة اللي خفقناها زي الصورة
http://up.3dlat.com/uploads/3dlat.com_14052706404.jpg
وبعدين نحط السكر البودرة ونخفق لمدة دقيقتين بسسس
http://up.3dlat.com/uploads/3dlat.com_14052706403.jpg
وبعدين الاربع بيضااات ونخفق دقيقة واحدة عشان بس يختلط مع الزبدة والسكر
http://up.3dlat.com/uploads/3dlat.com_14052756551.jpg
وده شكل الخليط بعد خفق البيض مع الزبدة والسكر بفضل الله ناعم وكريمي وابيض جمييييييل
http://up.3dlat.com/uploads/3dlat.com_14052706405.jpg
http://up.3dlat.com/uploads/3dlat.com_14052706406.jpg
وآخر حاجة نحط بامر الله الدقيق مع البكينج بودر وبشر البرتقال وندوب كيس بودرة تانج بالبرتقال
في نص كوب مية ونحطه مع الدقيق ونعجن
http://up.3dlat.com/uploads/3dlat.com_14052706407.jpg
ونعجن كل المكونات بايدينا كويس اوووووي مع العصير وكله كله
ونعجن لمدة 5 دقايق عشان العجينة تتشرب كل الدقيق والسااايل والزبدة
http://up.3dlat.com/uploads/3dlat.com_14052706408.jpg
وده شكل عجينة البسكوت بعد العجن وباين فيها بشر البرتقال بفضل الله
http://up.3dlat.com/uploads/3dlat.com_14052706409.jpg
وعجينة البسكوت عشان تكون ناجحة ان شاء الله لما نمسكها بايدينا تكون بتلزق بسييط في ايدينا زي كده
ده اسااااااااسي انها تلزق بسيييط اوووي بايدينا زي كده
عشان مايكونش البسكوت ناشف او زي الحجر ويكون هش ان شاء الله
http://up.3dlat.com/uploads/3dlat.com_140527064011.jpg
ونحط بايدينا معلقة كبيرة زيت زي كده ونمسح بيها العجينة عشان مش تنشف
http://up.3dlat.com/uploads/3dlat.com_140527064010.jpg
وده شكل العجينة بعد ماااا مسحناها بالزيت بفضل الله
http://up.3dlat.com/uploads/3dlat.com_140527064012.jpg
ونجيب المكنة بتاعتن سواء يدوية او بالكهربااا
ونركبها في اي ترابيزة في المطبخ زي كده ونملاها بالعجينة اللذييييييذة بسم الله ونحط جنبنا الصواني
عشان نقطع ونحط بالصينية على طوووووول
وندهن الصواني زيت بسيط اوووي بسسس
http://up.3dlat.com/uploads/3dlat.com_140527064013.jpg
ونركب الاشكااااال بتاعة المكنة ونختار اي شكل نحبه
لو بنحب البسكوت الرفيع او التخين بس طبعا البسكوت الرفيع ليه ميزة رااااائعة
انه بيعمل كمية عجينة كتيييييييرة اوووي لانه رفيع
اما لو عملنا بسكوت تخين بياخد عجينة كتيييرة وبيبقى سميك وبالتااالي مش بيدينا كمية كبيييرة
http://up.3dlat.com/uploads/3dlat.com_140527064015.jpg
وندور المكنة وناخد كل بسكوتة بايدينا زي كده ونقطعها حسب الطول اللي نحبه لو طويييل او قصير
http://up.3dlat.com/uploads/3dlat.com_140527064014.jpg
والشكل اللي فوووق بالمكنة بيعمل الشكل العادي ده السااااادة في الصينية
ولو مش عاجبنا نقدر نلفلفه حوالين بعضه نلولوه زي كده
بيدي شكل جميييل اوووي لما بيستوي البسكوت ان شاء الله
http://up.3dlat.com/uploads/3dlat.com_14052706991.jpg
وده شكل البسكوت بالشكل اللي فووق في المكنة بس لما نلفه حوالين بعضه زي كده
بيبقى جميييل اووووي ان شاء الله
وهكذا نكمل الصواني بنفس الطريقة وباي شكل بنحبه طبعا
http://up.3dlat.com/uploads/3dlat.com_14052706992.jpg
ولو حابين شكل عريض بس مش عايزينه يكون عريض اووووووي
نحط الشكل نصه جوه المكنة ونصه بره زي الصورة
عشان يطلع سمك البسكوت متوسط مش سميك اووي ولا رفيع اووووي
http://up.3dlat.com/uploads/3dlat.com_14052706993.jpg
وده شكل البسكوت لما بنحط نص الشكل جوه المكنة والنص التاني بره
طريقة التسوية في الفرن
http://up.3dlat.com/uploads/3dlat.com_14052706995.jpg
نسخن الفرن حرارة 160 الى 170 حرارة هادية عشان البسكوت مش بيتحمل حرارة عالية
ونشغل النار من تحت بسسسسس
وندخل صواني البسكوت صينيتن تحت وصينيتين فووووق
ولما تستوي الصواني اللي تحت وقاعدة البسكوت يبقى لونها دهبي
نبدل الصواني اللي تحت نطلعها فووووق واللي فووق ننزلهم تحت عشان ياخدوا لون دهبي
برده من قاعدتهم ولما كل البسكوت يبقى لونه دهبي من تحت
نشغل الشواية عشان البسكوت يبقى الصوابع لونها دهبي فاااتح جمييييل
ولما يستوي نطلعه من الفرن ونسيبه يهدى 10 دقايق كده ونبدأ نشيله من الصوااني
في اي مصفاة على بااااال مانخلص كل كمية البسكوت
ولما نحب نحفظ البسكوت نحفظه في اي وعاء له غطا عشان يحافظ على قرمشته
يعني حلة مقفولة كويس او علب بلاستيك مقفولة كويس لو حابين
وده شكل البسكوت لما طلع من الفرن بفضل الله لونه دهبي من كل الجهات
http://up.3dlat.com/uploads/3dlat.com_14052706997.jpg
http://up.3dlat.com/uploads/3dlat.com_14052706998.jpg
http://up.3dlat.com/uploads/3dlat.com_140527069913.jpg
http://up.3dlat.com/uploads/3dlat.com_140527069914.jpg
قد تكوني مهتمة بالمواضيع التالية ايضاً:
المصدر: منتديات ايمازيغن
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
