ديسير بارد ببسكويت الزبدة والدانيت رووووووعة على الطريقة الجزائرية
عنوان الموضوع : ديسير بارد ببسكويت الزبدة والدانيت رووووووعة على الطريقة الجزائرية
كاتب الموضوع : madiha
مقدم من طرف منتديات ايمازيغن
السلام عليكم ورحمة الله تعالى وبركاته
هذي أول مشاركة ليا في المنتدى عندي مدة و أنا مسجلة ونتبع فيكم من وراء الكواليس الله يبارك أطباقكم كلها تشهي ماشاء الله ربي يدومها ويخلي موائدكم ديما عامرة
حبيت نحط هذي الوصفة انشاء الله تعجبكم نبدا على بركة الله
http://im35.gulfup.com/rl4gq.jpg
نحتاج كريم شانتي طالعة الكمية اللي تحبي أنا استعملت كاس مع 120 غ بودرة الشانتي
وكريمة بالشوكولا (2 كيسان حليب (شوب كيما اللي في الصورة) + 2 مغارف بومبي مايزينة والسكر حسب الرغبة وملعقة كاكاو من النوع الجيد نحرك جيد ونضع الكل فوق النار حتى تعقد ننزعها ونضيف ملعقة زبدة ونخليها تبرد كيما تبرد زيديلها باطة دانيت بالشوكولا
ونخلطها مع الشانتي
http://im35.gulfup.com/fPT7C.jpg
عصير برتقال اي نوع وبسكويت الزبدة
الكريمة الأخرى هي كريمة موسلين قعدتلي كيما استعملتها في قاطو اسبانيول مالا زدتها وجات بنينة هي ماكانش في الوصفة يمكن الستغناء عنها
نبدا نحط طبقة قاطو وطبقة كريمة حتى ننتهي أنا نستعمل مول ساعات وساعات لالا كيما تحبو
http://im35.gulfup.com/ukELO.jpg
كيما نكمل ندخلها الثلاجة ساعتين أو 3 ساعات نجبدها ونطليها بالشانتي ورشة كاكاو أو زيقزاق شوكولا
http://im35.gulfup.com/tLp9k.jpg
http://im35.gulfup.com/VJUFN.jpg
http://im35.gulfup.com/lQ83A.jpg
ملاحظة ; نقدرو نطلعو الشونتي ديريكت بالكريمة الشوكولا بعدما تبرد نزيديلها الدانيت وبودرة الشانتي ونطربها بالباتور
نديرها كيما نكون مزروبة تجي هايلة تاني ماصورتهاش ولكنها مجربة:19::19::19:
صح فطوركم
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©