عنوان الموضوع : صينية الفراخ المشوية في الفرن بريحة الفحم - وصفة من مطبخي
كاتب الموضوع : imilla
مقدم من طرف منتديات ايمازيغن
http://up.3dlat.com/uploads/3dlat.com_13898833975.gif
جيبالكن اليوم طريقة أمي في عمل الفراخ المشوية
يا رب تعجبكن
http://up.3dlat.com/uploads/3dlat.com_138988339715.gif
2 فرخة وسط ممكن أقل على حسب العيلة
مقادير التتبيلة
بصلتين وسط
10 فصوص ثوم
1 قرن شطة خضراء حارة
2 فلفل أخضر
كوب زبادي
2 طماطم وسط
ملح
فلفل أسود
كاري
بهارات مشكلة
كمون
3 ملاعق خل أو ممكن بدلها 3 ليمون
http://up.3dlat.com/uploads/3dlat.com_13898834331.gif
نغسل الفراخ كويس أوي ونسلخ جلدها لأننا مش بنحب الجلد أوي وده طبعاً حسب الرغبة .
نقطع الفرخة 6 قطع ونشرحها كويس بالسكينة عشان التتبيلة تدخل جواها .
نفرم المكونات اللي فاتت في الخلاط وبعدين نتبل الفراخ فيها ليلة كاملة بتبقى أحلى بس ماما كانت مستعجلة أخدت ربع ساعة في التتبيلة بس
بالشكل ده .
http://up.3dlat.com/uploads/3dlat.com_14006764441.jpg
بعدين نحضر صينية الفرن
نفرش في الصينية طبقة بصل طرنشات ونرش عليها ذرة ملح وفلفل أسود زي كده
http://up.3dlat.com/uploads/3dlat.com_14006764442.jpg
بعدين نرص طرنشات بطاطس زي كده
وعليها برضه رشة ملح وفلفل أسود
http://up.3dlat.com/uploads/3dlat.com_14006764443.jpg
بعدين نرص الفراخ وماما هنا عملت بصل صغير بتاع الأوارمة في التتبيلة ورصته في الصينية مع الفراخ بالشكل ده
http://up.3dlat.com/uploads/3dlat.com_14006764444.jpg
بعدين ضافت ملعقتين زيت و2 كوب ماء صغير ونغطيها بورق فويل وعلى الفرن على طول لحد لما تغلي شوية
وبعدين نهدي النار على 170 لمدة ساعة وربع وبعدين نكشفها ونعلي النار عشان تشرب ميتها وتتحمر وممكن نشغل الشواية لحد ما تتحمر
وبعدين نسخن فحمايه أوي ونحطها في ورقة فويل زي الطبق ونضيف نقطتتين زيت ولما تدخن نغطي الفراخ بالفويل تاني عشان تاخد ريحة الفحم وده هيبقى شكلها بعد ما طلعت من الفرن وأخدت طعم وريحة الفحم
http://up.3dlat.com/uploads/3dlat.com_14006764445.jpg
ودي بعد ما شيلت البصل
http://up.3dlat.com/uploads/3dlat.com_14006764446.jpg
http://up.3dlat.com/uploads/3dlat.com_13898833976.gif
منقووول
قد تكوني مهتمة بالمواضيع التالية ايضاً:
المصدر: منتديات ايمازيغن
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
