عنوان الموضوع : المطلوعة المورقة مدهونة وسخونة - اكلة جزائرية
كاتب الموضوع : mira
مقدم من طرف منتديات ايمازيغن
السلام عليكم اخواتي
اليوم جبتلكم المطلوعة المورقة او المدهونة كيما نسموها في الاوراس وهي لذيذة جدا تناسب الشوربات يعني في مكان المطلوع العادي وتناسب اللبن خاصة كي تعود سخونة يا سلام على البنة
بدون اطالة هيا مع طريقة التحضير
تعجنو العجين عادي الطريقة تاعي سميد نوعية جيدة + شوي فرينة +ملح+خميرة+شوية سكر باش يسرع مفعول الخميرة ونبلها بالماء ونعجن مليح وندلك نحطها تخمر كي يتضاعف حجمها نعاود ندلكها بقطعة مرقرين وندخلها فيها ما صورتش هاذ المرحلة
نقسم العجينة الى قرصات نخلوهم يرتاحو شوي ونقرصهم وندهن القرصة بشوي مرقرين بحيث تتغطى كامل
http://www.up.djelfa.info/uploads/139256070766381.jpghttp://www.up.djelfa.info/uploads/139256084693481.jpg
ونرولي حربوش ونقفل مليح باش ما تخرجش المرقرين
http://www.up.djelfa.info/uploads/139256103487851.jpg
http://www.up.djelfa.info/uploads/139256188183571.jpg
http://www.up.djelfa.info/uploads/139256106621851.jpg
نعاود نلمها على شكل قرصة بالضغط على الجوانب والتكوير كيما وضحت بالاسهم حتان نتحصلو على قرصة
http://www.up.djelfa.info/uploads/139256135584981.jpg
http://www.up.djelfa.info/uploads/139256138444541.jpg
نخليها ترتاح 3دقايق ونعاود نقرصها شوفو كيفاه ريحت باش تعطيلنا الطوع نعاودو نحلوها http://www.up.djelfa.info/uploads/139256195457341.jpg
وندهنها بالمرقرين ونروليها حربوش ونقفلو مليح ونعاود نضغط على الجوانب ونشكل قرصة يعني راني عاودت المرحلة السابقة نخلوها ترتاح 3دقايق ونعاود نفس الخطوات السابقة الموضحة بالصور
يتسمى دهنتها 3مرات نخلي القرصة ترتاح 3 دقايق ونحلها او نقرصها نخليها تخمر نسيت نصور هاذ المرحلة
ونطيبها وهاهي واجدة تجي بنينة على المطلوع العادي
http://www.up.djelfa.info/uploads/139256218406331.jpg
ان شاء الله شرحي مفهوم انتظر ردودكن
اذا عجبتكم دعوة خير تكفيني
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©