عنوان الموضوع : حلوى المناديل بالخطوات من مطبخي روووووعة - قاطوات الجزائر
كاتب الموضوع : inzou07
مقدم من طرف منتديات ايمازيغن
السلام عليكم
واش راكم غالياتي ان شاء الله راكم كامل بخير
جبتلكم اليوم حلوى سورية رووووعة مناسبة للاعراس وسهرات رمضان تقدم مع الشاي
المقادير:الكيلة المستخدمة كاس
3كيلات فرينة
كيلة نشاء
بيضة
نصف كيلة سمن ذايب وبارد
رشة ملح
ماء وماء الزهر
الحشو:
3 كيلات لوز مرحي+كيلة ناقصة سكر +م ص فاني+ 3 م ك سمن ذايب+ماء الزهر
الطريقة:
نخلط الفرينة مع النشا والملح ونضيف السمن ونحرك بواسطة اليد جيدا ثم نضيف حبة البيض ونحرك من الافضل هنا نفوت الخليط في السيار باه نضمن ان ما يبقاوش كتل في العجينة ونلم العجينة بالماء وماء الزهر لازم تبقى متماسكة نشكلها كويرات نغطيها ونخليها ترتاح
http://http://up.top4top.net/uploads/2015/0...a97e1bced1.jpg
ناخذ كويرة نرش شوية نشاء فوق طاولة العمل و نبسطها شوية بالحلال
http://http://up.top4top.net/uploads/2015/0...dad8dbf931.jpg
بعد ذلك نفوتها في الماشينة حتى الرقم الاخير يعني لازم تكون رقيقة
http://[url=http://up.top4top.net/]http://up.top4top.net/uploads/2015/0...59e1bc2641.jpg[/url
ندهنها بالبانسو من فوق بسمن ذايب ونعاود نحل كويرة كيما عملنا المرة الاولى وندهنها من فوق وهكذا نكرر العملية ست مرات يعني راح نحتاج لست كويرات ودايما ندهن بين الطبقات ماعدا الطبقة الاخيرة ما ندهنهاش
هنا كي حطيت الطبقة الثانية ونكمل
http://http://up.top4top.net/uploads/2015/0...62f8c162d1.jpg
بعد مانكمل 6 طبقات ناخذ طابع مربع7على 7سم واذا ماكانش نستعمل ورق مقوى نقطع مربع7على 7
نقطع مربعات
http://http://up.top4top.net/uploads/2015/0...3f7e0688f1.jpg
نسيت نقولكم كي تحلو العجينة حاولو تخلوها عريضة بحجم الماشية باه تقدرو تقطعو زوج مربعات في العرض هكذا راح يجيوكم نفس الحجم وما يبقاوش لي شيت
في هذا الوقت نحضر الحشو بخلط المقاديرالسابقة مانكثروش ماء الزهر لازم الحشو يكون متناثر
http://http://up.top4top.net/uploads/2015/0...a112987ef1.jpg
ناخذ مربع وندهنو في المنتصف بشوية سمن ونحط حربوش صغير من الحشو في المنتصف
http://http://up.top4top.net/uploads/2015/0...3855493a61.jpg
ونغلق المربع ونضغط شوية منين غلقناه كما في الصورة
http://http://up.top4top.net/uploads/2015/0...3730c6a281.jpg
نحط الحلوى في البلاطو بهذا الشكل
http://http://up.top4top.net/uploads/2015/0...ace7b6d041.jpg
نذوب السمن ونصب من فوقها كي شغل راح نقليوها في الفرن هههه
http://http://up.top4top.net/uploads/2015/0...1d6b4fdd71.jpg
ندخلها لفرن مسخن على200درجة كي تطيب من تحت نشعلو عليها من فوق حتى تاخذ لون ذهبي
من بعد ماتطيب نحطها في بلاطو اخر ونتخلصو من السمن الزائد ونعاود ندخلها للفرن5د وهذا شكلها بعد ماتطيب
http://http://up.top4top.net/uploads/2015/0...7654f27e41.jpg
نعسلها بعسل يكون مخفف بشوية ماء الزهر لازم يكون ثقيل شوية باه تبقى مقرمشة نزينها بالبيستاش ونقدمها مع التاي اممممممم
وهذا شكلها النهائي
http://http://up.top4top.net/uploads/2015/0...cc527026b1.jpg
http://http://up.top4top.net/uploads/2015/0...449367a131.jpg
لاحظو شحال مورقة امممممممم
عن قرب
http://http://up.top4top.net/uploads/2015/0...f07cadb771.jpg
نتمنى الحلوى تعجبكم وتجربوها ولاتنسوني غالياتي من صالح الدعاء ولكن بالمثل
في امان الله
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
