عنوان الموضوع : اخف واطعم كحك - طبق شعبي
كاتب الموضوع : inzou07
مقدم من طرف منتديات ايمازيغن
كل سنة وانتو طيبين يا احلا بنات
طبعا هل هلال رمضان وان شاء الله من بعده العيد يعودها علينا وعليكم بخير يارب
والطريقة دى مختلفة شوية عن التقليدى من الاخر من اختراعى ويارب تعجبكو
المقادير
1- 2كيلو دقيق
2- علبة سمنة كيلو
3- كليو لبن تقريبا او على حسب ما العجين يبقا متماسك ولين معاكى
4- 2ملعقة خميرة صغيرة
5- 4 ملاعق سكر صغيرة
6- رشة ملح
7- لفة تين او ربع مشمشية ومعاهم ربه عين جمل (اذا حبيتى مكسرات مع الحشو)
الطريقة
نعجن مقدار الدقيق بالسمن على البارد يعنى مش حنقدح السمن يادوب بس حنفوكها او ندفيها بس
ونضيف الخميرة والسكر والملح ونعجن تانى كويس حتبقا زى الكسكسى كده
ونضيف اللبن حبة حبة لحد ما العجين يتلم كله ويبقا لين ومش بيلزق ونسيبها تخمر بعد تغطيتها كويس حوالى ساعتين او تلاتة
بعدين نبدأ ناخد كور صغير قد كرة البينج بونج كده تقريبا او اصغر شوية ونحشيها حتة تين مع ربع فص عين جمل او مكان التين المشمشية ونقفل العجين ونشكله براحتنا ف الكحاكة او بالمنقاش براحتكم
والفرن كنت ضبطاه على 240 يادوب عشرين دقيقة وطلع وردى واما يبرد تديلة رشة صوص شيكولاتة وفوقها سكر البودة
وكولى وعيلتك انعم كحك وبطعم مختلف وبالف هنا
[IMG]http://up.3dlat.com/uploads/3dlat.com_14040879961.jpg[/IMG]
واوعو تنسو التقييم وكل سنة وانتو متهنيين وفى احسن الاحوال اللهم اميين
قد تكوني مهتمة بالمواضيع التالية ايضاً:
المصدر: منتديات ايمازيغن
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
