بوراك بالدجاج و البيشاميل - طبخة جزائرية

عنوان الموضوع : بوراك بالدجاج و البيشاميل - طبخة جزائرية
كاتب الموضوع : imilla
مقدم من طرف منتديات ايمازيغن



السلام عليكم و رحمة الله تعالى و بركاته

اليوم جبتلكم حشوة جديدة و بنيييييينة للبوراك انا عجبتني احسن من اللحم المرحي

اليكم التفاصيل

المقادير :

صدر دجاج كامل
بصلة صغيرة
زيت ملح فلفل اسود
اوراق الديول

للبيشاميل :

3 ملاعق زبدة و 3 ملاعق فرينة و كاس و نص حليب ملح و فلفل اسود

الكيفية :

في طنجرة درت 4 ملاعق زيت و قطعت البصلة رقيق و شوحتها في الزيت ثم اضفت الدجاج و التوابل
و خليتها تحمرت شوية و من بعد اضفت مقدار كاس و نص ماء و غطيتها و خليت الدجاج يستوي
من جهة أخرى حضرت البشاميل بوضع الزبدة ذائبة مع الفرينة في كاسرونة فوق النار و بقيت نحرك فيها شوية حتى اكتسبت الفرينة لون ذهبي اضفت الحليب و بقيت نحرك حتى جمد الخليط اضفت القليل من الملح و الفلفل الأسود
في هذه الأثناء كان الدجاج تاعي طاب و نشفت المرقة فتتو صغير و اضفت عليه البيشاميل و خلطتهم و من بعد جبت أوراق الديول و حشيتهم بالخلطة و قليتهم

و هذه هي النتيجة النهائية

http://up.djelfa.info/uploads/13126386011.jpg

http://up.djelfa.info/uploads/13126386013.jpg

http://up.djelfa.info/uploads/13126386012.jpg

و بصحتكم



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©