محتاجة مساعده من الجَميع صحة نسائية

عنوان الموضوع : محتاجة مساعده من الجَميع صحة نسائية
كاتب الموضوع : inzou07
مقدم من طرف منتديات ايمازيغن

السَلام عَليكم وَرحمةة الله تَعَالىَ وَبَرَكاته
بِسسم الله الرحمنْ الرَحيم


مسَاء الخِير عَليكم جَميعًا
طلبتكمْ فحاجه وحبيتكم تعاونوني وَلو كان بنصيحة
أنَا أعاني من مرض يسسمى عندنا في الجزائر - عرق بومزوي -
مو مرض معدي أو خطير لكن ملي كنت صغيرة وأنا نعاني
من نحافة شديدة مره نزيد كيلو مره ننقص اكثر من اللازم
وخصوصا مين الواحد راه يكبر ولو اني صغيره على هذه الهدره
لكن الزعاف والواحد يدير فخاطره ولا فييا هذا عرق بو مزوي
وكيما تعرفوا يدير بالزعاف بالإضافة للشهية الي عندي
مبلعه دايما واذا كليت زوج شدوقة وراني شبعت
انا ما نحبش السمنه بالعكس الرشاقة مليحه لكن
السمنة المفرطه مرض والنحافة الشديده مرض
يعني الصحه هي الي مليحه أهم شي على هذاك الشي
بغيت نسمان شويه ماشي بمعنى السمنه المفرطه يعني
نزيد 2 كيلو او 3 راها كثر من بزاف عليا راني مومياء هههههه
يعني من شده نحافتي يعطوني عمر صغير 15 سنه وانا عندي 21 سنه
بغيتكم تعاونوني فحاجه بحث مليح فالنت ولقيت دواء قالوا ماشي
مضر لو ما نكثروش منه اسسمه super apeti
لكن المشكلة انا نسكن في تلمسان وحوسست على هذا الدواء في الصيدليات
و الي يبيعوا الأعشاب لكن مالقيتهش
ياريت الي استعملوه يقولولي اذا موجود في الجزائر
وشو اسسمه بالضبط اذا عنده اسم واحد أخر
واذا حد يقدر يبعثهلي لعنوان البيت ونبعثله الدراهم
او توريولي وين يتباع بالضبط
وربي يجزاكم عني خير .

©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©