طريقة عمل الفراخ المشوية ع الفرن ، احلى فراخ مشوية - وصفة من مطبخي
عنوان الموضوع : طريقة عمل الفراخ المشوية ع الفرن ، احلى فراخ مشوية - وصفة من مطبخي
كاتب الموضوع : madiha
مقدم من طرف منتديات ايمازيغن
المقادير:
1 فرخه (4 قطع)
1 بصله كبيره
ملح-فلفل-زعتر ناشف-بهارات فراخ"جاهزه عند العطار"-روز مارى او بيسموه اكليل الجبل"من عند العطاربرضه"-واخيرا وليس اخرا ورق لورى
الطريقه:
1-بتاخدى الفرخه وتقطعيها 4 قطع وتغسليها كويس بماء ودقيق, وبعدين تحطي الفراخ ف مصفاه وتسيبيها تنزل المايه
2-تقطعى البصل ترنشات صغيره, وتحطى عليها الملح والفلفل والزعتر وبهارات الفراخ والروز مارى , وتدعكيهم بايدك خمس دقايق (( والدعك هو سر الوصفه))
3-تجيبى قطع الفراخ وتحشيها يالبصل من تحت الجلد , وتحطى بصل من فوقها وتحتها
4-تحضرى قطعه فويل"ورق قصدير او الومنيوم" وتحطى عليها شويه بصل من بتاعنا المتبل وحوالى 4 ورقات من ورق اللورى, وبعدين تحطى عليها الفراخ وتقفلى ورق الفويل باحكام
5-تدخليها الفرن "متوسط الحراره , على الرف اللى ف النص , وتسبيها حوالى ساعه الا ربع
6-بعد مرور الوقت تفتحى ورق الفويل, وتشغلى الشوايه عشان تحمر الوش
7-اما الخطوه الاخيره انك تجيبى قطعه صغيره من ورق الفويل وتحطى عليها شويه زيت صغيرين , وتغمسى فيها قطعه فحم ساخنه, وتحطيها بين قطع الفراخ, وتقفلى على الفراخ كويس جدا بورق الويل , عشان تاخد الطعم
وبس كده...... بس انتى ممكن كمان تقطعى تحت الفراخ بطاطس بتكون جميله برض
قد تكوني مهتمة بالمواضيع التالية ايضاً:
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
