حكايات بنات الطبعة الثانية - العــدد الأول- عالم حواء
عنوان الموضوع : حكايات بنات الطبعة الثانية - العــدد الأول- عالم حواء
كاتب الموضوع : chichaki
مقدم من طرف منتديات ايمازيغن
أهلا لبنات الزينات لحلوات
معاكم تحلا قعدتنا
جيناكم اليوم مع عددنا الاول لهذا العام
علبالي كامل تستناو فينــ
سمحولنـــ ولا طولنا عليكم
http://upload.4algeria.com/do.php?img=38502
خيّرنا في هذآ العدد نحكو
على طآعة الوالدينـْ
ربْنا يخلّيهملكم ولا يحرمكمـ منْهمـ
انـ شآء الله يآربــــــ
ضيفتينـ خيّرناهم يشاركونآ ليــوم
ويحكولنا على مواقفـ سمعــوها
و عـــاشوها ويعطونا رأيهم
نرحبـــو بيهـــم
http://upload.4algeria.com/do.php?img=39448
أعزائي اللمويـــات
نبدى نحكيلكم لحكاية الي صرات معايا و نرجعو نحكيو بعدها
هذي وحدة صحبتي تحكي على اختها الكبرى
هما في 3 بنات في الدار وحدة في الجامعة تجي غير في الويكاند
و لكبيرة كملت قرايتها في الجامعة و عاطلة عن العمل
راحت تدير فورماسيو تنفع بيها روحها
والي بقات رهي صغيرة تقرا في السويام
معروف ان امهم تخدم عليهم المسكينة نهار كامل برا و تكمل شغل الدار تالمو مكانش الي يساعدها تظل ديما تشكيلي على ختها الي متحكيش مع أمها
ديما تتقابض معاها و تسبها و تقوللها انت الام وان تالي تقومي بينا
يعني هي كي تدخل لدار تلقا كلش واجد
هي أمها الي تغسللهم حوايجهم تطيبلهم تخدم كلش برا و في الدار
قالتلك تظل مع الميكرو تكونيكتي و تلقا الاكل واجد ايماجينيو درك معايا
و كي توجدلها امها لعشا وجهها صحيح تروح تاكل
و مش هذا برك حتى تقوللها منغسلش لماعن غير نهار بالنهار
يعني تدير الدالة مع اختها الصغيرة حتى هذيك و طمعت فيها
قالتلك من كثر لعياط ولات امي تسكتلها و تديرلها رايها غير باه ميسمعوش الناس صوتها و هذي صحبتي كي تجي تحكيلي تبكي تقولي منقدرش ندير والو
و نخمم نخرج من الجامعة باه نكون مع أمي كل ما تروح لدار تبقى امها تبكي وتشكيلها و رجعت وين تقوللها ليماها هكي انت كذا و كذا ؟؟؟
الله يستر على بنات هذا الوقت
برك منقدرش نحكيلكم كلش نزيدلكم هذي برك رجعت حتى تقوللها ليماها
هاني نوكل عليك ربي ؟؟
يا الله ياكريم
http://upload.4algeria.com/do.php?img=38502
نوجه هدرتي ليكم ياحباباتي اللمويات
الوالدينـ هوما كلّش في هاذي الدنيآ هوما اللّي ربّونا وعلمونا
وهذا يكفي بالنسبة لينا
بلاما نذكرو الي داروه كامل في حياتهم علينا
واآشـْ نجازيوْهم مايكفيشـ
وشفتو هذا جزء صغير ملي راه صاري للولدين في وقتنا هذا
فرح ليـــك الكلمة تفضلي واش رايك ؟؟
|
|
|
|
انا نشوف ظاهرة عصيان الوالدين او شتمهم ظاهرة متواجدة بكثرة
أنا سمعت بزاف وشفت بزاف ابناء يشتموا يماهم ولا باباهم صراحة نستغرب ; سبحان الله يجود اناس يتمناو تكون عندهم ام او اب يتامة مساكن معندهم لي حن عليهم ولا لي يوقف معاهم ,وناس تلقاهم الحمد لله عندهم نعمة كبيرة لي هي الاب والام ومش مدايريلهم اهمية
نحكي على روحي انا عن نفسي عمري لا نتجرا ونرفع صوتي على والديا ولا نشتمهم استغفر الله ولا نعصيهم انا هما عندي بالدنية ومافيها
انا كنحكي معهم منرفعش حتى وجهي ونخزر فيهم كفاش نتجرا نعصيهم مستحيل
احنا لبنات او الاخوات عامة سعات نداوسوا مكانش وحدة متتلاسقش مع ختها هه هو مهوش ضرب لاسمح الله وانما ارتفاع الاصوات احيانا تكون على ستيلوا هه لبسة هه ..الخ
كانت سعات ماما تزعف من هذا الشيء وانا ومنقدرش على زعاف ميمتي والله لعظيم منرتاح حتان ترضى عليا ;وانا نتمنى يارب يارب يخليهملي وان شاء الله تكون نهايتي قبل ماندير شيء يهينهم ولا يمسهم بشيء مستحيل يصرا هك باذن الله
ايا كدخلنا في هذ الموضوع راح نحكى على واحد وليد جارنا هو ولد مشاغب بزاف لامداير احترام لوالديه ولا للناس كان يضرب يماه مسكينة وساعات نسمعوا صراخها في دار تغيضني ربي يهديه تعبها
بزاف وهانها مخلى مايدير
ايه يماه مسكينة هي ساعفاتوا وحاولت معاه هو كبر وعرف صلاحوا بلاه ربي بمرض ,شفتوا ربي
سبحانوا المهم هو كمرض شكون لي وقف معاه اكيد يماه وقفت معاه سهرت معاه كانت تعمل كل شيء تغسلوا تنظفوا ....الخ
هو صح مرض بصح كان يحكي لاباس بيه وشيء لي ستغربوه ناس انوا كمرض مكانش يحكي مع انوا لاباس بيه كان سعات لجيران يزروه يبقى غير يبكي مع مرور الوقت شفاه ربي سبحانوا شوفوا قدرت الخالق مع انوا لي يشوفوا يقول معادش يعيش وكل يوم يقولوا هذا اخر يوم يعيش فيه.
لقصة مؤثرة فيا
المهم هو الحمد لله شفي تماما رجع ندم على واه كان يدير ليماه كان لاخدمة لاوالوا غير ضايع هكاك هو كرجعتلوا صحتوا دار عرضة يعني عزم ناس للعشاء وناس ستغربت مع انوا لكان يحكي معاهم ولا مقدرهم
كي عرضهم كامل راحوا حتى ابي كان هناك وشيء لي داروا في هذاك اليوم واحد مقدر ينساه لي هو حرق يديه لي ضرب والدتوا بيهم لي هانها بيهم هدا كل باه تسامحوا ميمتوا مع انها مسامحاتوا مسكينة وعمرها لاشكاة لواحد كانت دايما تطلب هداية لوليدها وكان ربي سبحانوا هو لي مقويها.
انا نشوفها قصة مؤثرة ومقدرتش ننساها مع اني كنت صغيرة هذاك الوقت.
وانا شفت بزاف بنات ثاني يعصوا والديهم نقللهم راكم غالطين ويجي نهار وتتفكروا واش درتوا وخلي على غضب ربي وربي يهدينا جميع
حبيت نوجه رسالة لناس لي غالطة في حق والديهم نقللهم اصحوا الوالدين واحد ما يجي في بلاصتهم نقللهم تفكروا برك الايه هذي
بسم الله الرحمـن الرحيـم
﴿وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا﴾
هذي توصل لي كنت حابة نوصلوا صدقوني هما يصبروا عليكم وبلاك حتى ينساوا ويسامحوك بصح يبقى جرح يبقى
ان شاء الله ربي يحفظلي ميمتي وبابا ويبارك فيهم وفي عمرهم وان شاء الله ندي دعوة لخير ليا وليكم جميع
ونقللكم تهلاو في والديكم وكل واحد يجتهد فينا في بر والديه ولواحد ميعرف شحال بقالنا ولا بقالهم من العمر
وفي الاخير البر ثم البر حنا منعرفوش وقتاه نفقدوهم
أللهم اعنا على طاعتهما والبر باحسانهما اللهم امين
أمين يارب العالمين
يعطيك الصحة يافرح
كلامك زين و معناه كبير
القعدة معاك كثر من حلوة
الله يخليك لوالديك و ربي يمدلك ماتتمناي
|
|
| http://imazighen.univanet.com/styles...t-bot-left.gif |
|
http://imazighen.univanet.com/styles...-bot-right.gif |
|
نكملو قعدنــــ
مع أميراتنا لحلوات
و نرجع ليك أميرة تفضلي ختيتي
راه ليــك الخط
|
|
|
|
بارك الله فيك اختي فلة وفطوم على مجهوداتكم
لا ريب أن بر الوالدين من أهم الفرائض ، ومن أعظم الواجبات ، والله - سبحانه وتعالى- ذكر ذلك في مواضع كثيرة من كتابه العظيم ، مثل قوله سبحانه
الأية الي سبق وقالتها أختي فرح
طاعة الوالدين واجبة على كل فرد صغيرا كان ام كبيرا ولكن مع الاسف نرى عكس ذلك تماما
الوالدان، اللذان هما سبب وجود الإنسان، ولهما عليه غاية الإحسان..
الوالد بالإنفاق.. والوالدة بالولادة والإشفاق..
وأنا أقف في حيرة ..
مالي أرى في مجتمعاتنا الغفلة عن هذا الموضوع والإستهتار به..
أن أعظم صحبة للإنسان هي صحبة الوالدين ، وهى صحبة يرضي بها الإنسان ربه ويرجو بها حسن الثواب في الآخرة
ربي يهدينا جميع لما يحبه ويرضاه
كاين قصص كثيرة ومتعددة عن هاد الظاهرة لي راها متفشية في مجتمعنا
وهادي قصة على وحدة نعرفها كانت جارتنا.
كانت هدي جارتنا مسكينة كبيرة فالسن وعندها زوج بنات وزوجها ميت تعبت على هاد لبنات وكبرتهم بصح كامل الشي لي دارته ما نفعش فيهم ولاو كامل ما يستعرفوش بيها وخرجولها (مسوفجات)
مداك مكانش الراجل لي يزير وهي مسكينة كانت تخدم عليهم بسكو هوما على اساس كانو يقراو كانت تخدم فالمؤسسات منظفة غير باش توفرلهم لقمة العيش وهوما يزيدو يتقلشو عليها ومسكينة على كبرها تخرج تسوق فالبرد وفالشتا وهوما قاعدين فالدار وكل وحدة شادة تيليفون وتحكي
بزوج حبسو قرايتهم وكل يوم برا يدورو ربي يعلم وين كانو يمشو
مرة قاتلنا تقلقت عليهم وانا خايفة وسهرانة حتى 2 تاع ليل
gارات طونوبيل عند الباب حطتهم ومشات ومين سقسيتهم طارو فيا وحبو ياكلوني
هي مسكينة مداك كبيرة ماتقدرش تدخل معاهم في نقاش تسكت وتخليهم وتقولهم نوكل عليكم ربي
مسكينة كانت ملي تجي وهي تحكي تعاود تقولنا سمحولي مصبتش لمن نفرغ قلبي http://imazighen.univanet.com/images/smilies/frown.gif
جا نهار لي ماتت مسكينة ربي يرحمها ومشاو ماما وخالاتي يعزيو قالونا تحسب ماهم كامل ماشي ميتة يتمسخرو ويضحكو نوووورمال http://imazighen.univanet.com/images...thumb_down.gif
هادوك لبنات داهم خالهم يسكنهم عنده ربي يعلم واش راه صاري فيهم دروك
نصيحة لكل بنت
الدنيا فانيا ويلا بغيتي الدنيا تعطيك قيمة تهلاي بزاف فالميمة باش تنجحي في حياتك وخير الصحبة صحبة الوالدين وباش تنالي دعوة الخير
وربي يجازيك على على كلش درتيه معاهم
|
|
| http://imazighen.univanet.com/styles...t-bot-left.gif |
|
http://imazighen.univanet.com/styles...-bot-right.gif |
|
يعطيكم الصحة يالبنات
قعدتكم سكر و كلامكم عسل
قلال لي يخمو كيفاكم
وقلال لي يعرفو قيمة الولدين
ياريت نتعلمو من هذي الدنيا
يريت نتعلمو من اخطاء الاخير
باه نعوضو على ولدينا في دنيتنا قبل مايروحو علينا
ويرجع الندم يدور بينا و نقولو ياريت مزالهم معانا ولو يوم
نفرحوهم و نطلبو منهم السمح و الرضا علينا
هنا كملنا هدرتنا يا حباباتي
نعتذر من غياب اختي فاطمة
كنا نزيدو نستفادو منها هي ثانيك
كلمتي لحباباتي
والديك ثم والديك
مهما سمعتي و مهما قالو ومهما دارو
اعرفي انو ربي هو الي يجازي و هو الي يعاقب
انتي مهمتك هي الطاعة و تحوسي تربحي رضاهم الدنيا قبل من الاخرة
هنا نكون كملت قعدتي معاكم
ستناونا في العدد الثاني
ان شاء الله نكونو قدرنا نوصلولكم المغزى
نستناو مشاركتكم معانا
متبخلوش علينا بكلامكم الزين
و السلام عليكم و رحمة الله و بركاته
http://im39.gulfup.com/tuWUL.png
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
