عنوان الموضوع : بيتزا بصلصة المارينارا وصفة مجربة
كاتب الموضوع : مريم
مقدم من طرف منتديات ايمازيغن
البارح درت بيتزا بصلصة المارينارا وجات ممممممممممم تهبل
اولا نبداو بالصلصة هي صلصة تع الطماطم عادية وعليها بعض الاضافات لي تبننها اكثر
المكونات
طماطم حب
طماطم معجون
جزر مبشور ومقطع
بصل ثوم
فلفل اخضر
زعتر ورق الرند اكليل الجبل
ريحان
مغرفة سكر
مغرفتين خل التفاح
انا ضفت من عندي ملعقة موطارد
اولا نغلي طماطم حب في ماء مدة 4 دقايق
نقطع البصل ونقليه في زيت الزيتون نضيف له الجزر والثوم نخليه يتقللى حتى يذبالو
من جهة نقشر الطماطم ومنبعد نقصها مع البصل والجزر ونضيفو الاكليل والريحان والزعتر ونحطها في الميكسور ونرحيه
نحطهم في كسرونة نضيف طماطم المعجون والماء والملح وورق الرند ونخليه يغلي فوق النار
من بعد نضيفو فلفل اسود بابريكا وكي تقرب تثقال نضيفو الزيت والسكر وخل التفاح والموطارد نخليها طيب حتى تثقال
هاهو الشكل تاعها
http://up.top4top.net/uploads/2015/0...d5e9826881.jpg
نروحو للعجينة طبعا كلكم تعرفو عجينة البيتزا
انا استخدمت عجينة العشر دقايق ولا تعجنيها عادي
الكيل كيلو كيما تحبو انا درت 2 غرفية ماء دافئ 2 ملعقة خمير الخبز 2 ملعقة سكر 2 ملعقى حليب بودرة غرفية فرينة نخلطو المقادير ونخليوها تخمر في مكان دافئ
من بعد نضيفو قرصة ملح 4 ملاعق زيت او حسب العجينة تاعكم
ونضيفو الفرينة حتى تتماسك العجينة نقسموها ونحطوها في بلاتوات الفرن بعد دهنه بالزيت
ونخليوها تخمر مدة 5 دقايق
نقرصو القرصة تاعنا باه جيك البيتزا طرية ومش يابسة انا كتشفت طريقة وهي دهن القرصة بقليل من الزبدة الذايبة قبل ما تحطي الصوص
كيما هاك
http://up.top4top.net/uploads/2015/0...d5e9826882.jpg
من بعد نحط الصوص تاعنا ونمشيه على القرصة
http://up.top4top.net/uploads/2015/0...d5e9826883.jpg
http://up.top4top.net/uploads/2015/0...d5e9826884.jpg
ونضيفو الحشو تاعنا انا ولادي ما يحبوش بزاف الحشو يقولو كي ديريلها بزاف الحشو تولي كي الشكشوكة ههههه يحبوها سامبل درتلها زيتون اخضر واسود وفورماج رابي البنة تع البيتزا جي في الفورماج ونخلزه للفرن بعد ما تسخينه بمدة من قبل
http://up.top4top.net/uploads/2015/0...d5e9826885.jpg
هنا بعد ما طابت
http://up.top4top.net/uploads/2015/0...d5e9826886.jpg
http://up.top4top.net/uploads/2015/0...d5e9826887.jpg
وهادي للاولى لي ترد من يدي http://imazighen.univanet.com/images...s/rolleyes.gif
http://up.top4top.net/uploads/2015/0...d5e9826888.jpg
ان شاء الله تعجبكم
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
