بالقوة والاراده سأحصل على مااريد💪 للعناية بالشعر

عنوان الموضوع : بالقوة والاراده سأحصل على مااريد💪 للعناية بالشعر
كاتب الموضوع : مريم
مقدم من طرف منتديات ايمازيغن

بالقوة والاراده سأحصل على مااريد💪



السلام عليكم ورحمة الله وبركاته
بسم الله الرحمن الرحيم
انا ياكثر هذرتي مع الشعر مره اقول خلاص بزيت شعري وكل شي مواد طبيعيه ومره اقول خلاص بسوي كيراتين
بس الحين تحمست دخلت صفحه فنانه على الانستقرام وشفتها حاطه ماسكات من حرمه وفي فنانات كثير شفتهم حاطين ماسكات من نفس الحرمه ويمدحونها بس هذي الفنانه اللي شجعتني صراحه واقوم وادخل حسب الحرمه واشوف الا واشوفها توصل لمنطقتي واطير من الفرحه واشوف تجارب البنات وكذا واحترت وش اخذ كل ماسك يغرني😍واحتار ومره اقول باخذ هذا ومره اقول لا ماراح اخذه هذا احسن بعدين قلت دام هي اللي تسوي الماسكات وعارفه خلاص اقولها حاله شعري وهي تنصحني اخذ اي ماسك وقلت لها وانصحتني بماسك الببايا وماسك الزنجبيل
وخلااااص قررت اطلب منها واقعد وافكر طيب وليه مااسوي عنايه مكثفه مش بس اقعد على هالماسك وافكر وافكر
وش اسوي وش اسوي واذكر ان في عطار خلط لنا مجموعه زيوت واستخدمتها ورائحتها انا عجبتني بس خواتي ماعجبتهم وصج استفاد شعري من هالزيوت وقمت افكر بس هذا اللي عندنا هالزيوت مافيه شي ثاني وتذكر ان شفت موضوع في احدى المنتديات عن كبد الحوت وان في وحده استخدمتها لبناتها وصار شعرهم ناااعم وكان ابوي يستخدمه لفوائده وصج شعر ابوي وصار ناعم مع ان ابوي شعره عادي بس صار ناااعم وقلت راح اكلها بعد كل وجبه
وقلت ان شاء الله هالاشياء تكفي وقلت خلاص هدفي الان شعري يكون ناعم وقلت ببتدي ان شاء الله 1 محرم وبأذن الله في 1 رمضان راح اقول لكم النتيجه بالتفصيل اذا الطعجات بدت تروح ، خفت النفشه ، كثر، طول، صار ناعم مايحتاج سشوار كل شي واذا صار شعري ناااعم كأني حاطه كيراتين راح استمر على الماسكات بس بدون الزيت عشان شعري دوم يتغذى والحين بقولكم كيف راح استخدمهم عشان اللي حابه تجرب
يوم الخميس في الليل قبل النوم احط الزيت وحط عليه كيس وانام اقعد الصباح واغسله بالماااء فقط ثم احط عليه ماسك الببايا بعدين اشيل شعر جسمي ثم احط زبادي على وجهي ثم خلطه الشفايف عشان تصير ورديه اللي هي سكر وزيت زيتون خمس دقايق واغسله واحط فازلين واغسل وجهي ثم افرش اسناني بمعجون التبييض اسمه ديبوردنت يستخدم مره بالاسبوع لانه مفعوله قوي عالاسنان ونسيت اذا حطيت الماسك اكل شي مفيييد فواكه توست وجبن وبعد مااكل اكل لي حبه كبد الحوت وبعدين اذا عندي شغل سويته وامسك الجوال واحوس وكذا والماسك اخليه ساعتيه او ثلاث او اربع او تنامين فيه بعدين اسبح اول شي اغسل شعري بالماء ثم الشامبو انا الان استخدم سانصيلك بعده بلسم سانصيلك بعده شي انا احبه مرره بوناويل بالقمح بعده احط على جسمي كريم كاب وملح الحليب او ملح اليوكو ثم اغسله وهذي الحركه تبيض المفاصل مع الاستمرار عليها وبعد كذا احط شاور جل منباث اند بودي ووركس ثم اغسله واغسل شعري واحط لي بودره اطفال مع شبه او ليمون لرائحه العرق والبس بجامه نظييفه واطلع وشعري احط عليه كريم سانصيلك للشعر الجاف وبعده سيروم لوريال وامشطه يعني اسرحه بمشط خشب افضل ومسكه واذا كان عندي مناسبه قبل السشوار احط حامي الشعر من تريسمي بعده احط شووي من سيروم لوريال وابتدي استشور وبعد ماالبس وامسك شعري تقريبا صلوا وقبل لايروحون ابوي واخوي المسجد لصلاة الجمعة امي تشغل العود وتبخر ابوي واخوي واجي انا واتبخر وبكذا تكون ريحتي جمييله والماسك الثاني اللي هو ماسك الزنجبيل استخدمه يوم في الاسبوع بس مااسوي هالهذره بس ماسك ساعتين او ثلاث وشامبو وبلسم وبوناويل والكريم كاب وملح الحليب والشاور جل والشبه والليمون وسيروم لوريال وبسسس شفتوا انا كيف مخططه قبل لا اطلب وقبل كل شي بس عشان اكون مرتبه كل شي وكبد الحوت تاكلينها بعد الثلاث وجبات الرئيسية يوميا واللي تبي حساب الحرمه في الانستقرام تجيني خاااص واي استفسار انا حاضرة واللي تبي تسوي يلا تبتدي معي من محرم عشان ان شاء الله مايجي عيد الفطر الا وشعورنا تهبببل
والسلام عليكم ورحمة الله وبركاته واسفه على هذرتي الطويله


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©