طبق يشهى من مطبخي - من مطبخ الجزائرية

عنوان الموضوع : طبق يشهى من مطبخي - من مطبخ الجزائرية
كاتب الموضوع : مريم
مقدم من طرف منتديات ايمازيغن

السلام عليكم أخواتي حبيباتي حضرتلكم وصفة لذيذة جدا وماحبيتش نبخلكم وان شاء الله جربوها في أقرب وقت وهي غراتان بالداند تفضلو معايا http://www.4osraty.com/vb/images/smilies/384914[1].gif
اذن المقادير مع كيفية التحضير في نفس الوقت
أول حاجة ديري كمية من الزيتون الأخضر غليه باه تنزعي منه الملح وطبعا الجميع يعرف هذه الخطوة ,وبعد ذلك تحكمي كمية من الداند أي الديك الرومي على حساب الأشخاص ليعندك ترحيه في الروبو جيدا و تقطعي عليه ذالك الزيتون الأخضر قطع صغيرة +سنينة ثوم مقطعة رقيقة+ملح +فلفل أسود+كمون+هريسة اذا متواجدة عندك وتقدري تستغناي عليها+معدنوس مقطع+1بيضة وأخلطي الكل وأعيدي هذا الخليط في الروبو لكي يكون طري أكثر حذاري واعمليهم صبيعات ورمديهم في الخبز المرحي وقليهم حتى يحمارو كما في الشكلين

http://up.top4top.net/uploads/2015/0...ed7beabc71.jpghttp://up.top4top.net/uploads/2015/0...ec4c46dd81.jpg[SIZE="4"][/SIZبعد ذلك قطعي البطاطا مربعات صغيرة واقليها هي كذلك
ومن جهة أخرى حضري صلصة البيشامال وأكيد الجميع يعرفها ولكن حبيت نقولكم على طريقتي الخاصة أنا كينحضر البيشامال بعدما نكون درت الزبدة الدائبة مع الثوم والفرينة لما نخلط هذه الأشياء نزيد مع الملح والفلفل الأسود (الزنجبيل)صدقوني أخواتي يجي لذيذ أكثر

تحكمي الصينية أي ليتفرغي عليها الخليط أدهنيها جيدا وأول شي ستفي البطاطا المقلية وهذوك الصبيعات بعدما يتحمرو ماتنسايش قطعي كل حبة على2 باه مادجيش كبيرة وضعيهم فوق البطاطا+فرماج أي الجبن والكمية ليتحبيها تفضلو الصورة الأولى للتوضيح أكثر والثانية بعدما تفرغي صلصة البيشامال وطبعا تكوني أشعلتي الفرن من قبل

http://up.top4top.net/uploads/2015/0...4cb6d524b1.jpg http://up.top4top.net/uploads/2015/0...6e5242e421.jpg

بعدما تخرجيها من الفرن ننصح أخواتي وركزو معايا جيدا لما يكون هذا الغراتان يطيب شعلولو من تحت يطيب جيداأما من فوق لبضع دقائق فقط لأنه لوكان يطول بزاف يصبح يابس ركزو على هذه النقطة وان شاء الله تنال اعجابكم راهو لذيذ وماتنساوش حضروه مع سلطة خضراء كيما نحب انا http://www.4osraty.com/vb/images/smilies/21.gif

تفضلو الشكل النهائي وان شاء الله تعجبكم وتحصروها في أقرب فرصة http://www.4osraty.com/vb/images/smilies/384914[1].gif
http://up.top4top.net/uploads/2015/0...9a4b40eed1.jpg



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©