عنوان الموضوع : العجبـــنة المورقـــة المالحــــة من مطبخي وبالـــــــصور اكلة جزائرية
كاتب الموضوع : chahinez
مقدم من طرف منتديات ايمازيغن



سلامو بنات المطبخ اللماوي
ان شالله تكونو كااااااامل بالف خير
رانا نشوفو رمضان راه على الابواب ومن المعروف كل واحدة فينا راه تخمم وتتوجدلو من درك
المهم شفت شحال من واحدة سالتني علىا لعجينة المورقة المالحة واللي تكون صالحة
ما نكذبش عليكم انا ماكانتش تصلحلي مي هاذي اول مرة خدمتها وصلحتلي
ومنها وليت نخدم ونخبي في لاقلاص منين نحتاج نجبد نخليها تذوب ونخدم بيها

وكي عادت صالحة حبيت نفيد اللي ما تصلحلهمش
المهم مقاديرها


500 غ فرينة
350 غ زبدة صالحة او اي زبدة خاصة بالتوريق
2 مغارف زيت
والملح طبعا حسب عينك





نعجنو العجينة ونخلوها تكون طرية طراوة الزبدة

بعد ذلك نخلوها ترتاح خصوصا كي عجنناها بالماء(اي عجينة نعجنوها بالماء على قد ما ترتاح على قد ما تكون صالحة اكثر واكثر)
بعد ما تكون ارتاحت نفتحوها مليح
ونسدفو الزبدة بعد ما نكونو قطعناها مربعات
نحطوها لى جنب باه نغلقو بالجنب التاني


نغلقوها بالجنب التاني ونضربوها بالحلال نتاع العجينة باه تمشي الزبدة وسط العجين وتعطينا الطوع باه نبداو نحلو

بعد ذلك نبداو نحلو وكل مرة نطبقو الجيهة اليسرى فوقها اليمنى ونحلو باتجاه واحد يعني من الفوق للاسفل

باه ما تتقطعلناش العجينة
(عندي ملاحظة كاين اللي يقولو كي تتقطع العجينة حطيها في الثلاجة ربع ساعة ومباعد خرجيها انا ما نحطهاش نحظ فوق الجيهةا للي خرجت منها الزبدة نحط عليها الفرينة ونواصل نحل العجينة)
بعد ما نكونو كررنا نفس العملية 6 مرات ونلاحظو انها الزبدة تداخلت مع العجين ونشاهدو انو العجينة اصبحت بيضاء قليلا
هنا نتاكدو انها عجينتنا راها صالحة وواجدة للاستعمال

نتمنى انني نكون افدت الاخوات اللي سالوني عليها
وفهمتو على طريقتي
هيا اتهلاو في بعضاكم وما تتعاركوشheer:



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©