عنوان الموضوع : آخبآر جديدة >> من عند نعمة - التعليم الثانوي
كاتب الموضوع : admin
مقدم من طرف منتديات ايمازيغن
السلام عليكم ورحمة الله تعالى وبركآته
سميو اسم الله ،، وصلوا على خير الأنام محمد [ صلى الله عليه وسلم ]
صبآآح الـخيير ولا مسآآء الخير
كيمآ تحبو رآآني هنآ
لابآآســــ ؟؟ بخيير ؟؟
ولا شويا شوية ؟؟ >> أنا الحمد لله
زعمآ جيت ندير موضوع ،، منآآه رآني فآرغ ــــــــهْ شغُل 
المهمممــــ
حبييت نقوللكم، أني غيرت الثانوية اللي نقرا فيهآ، لوحدة أقرب
وأجمل .. >> تهببل 
بالصح ،، اللي خلاني ندير هاد الموضوع، مآآش هاد السبب برك ،،
بل ،، المعاناة اللي رآآني فيهآ
أو بالأحرى الـــ shock اللي رآآهو صآآريلي
نحكييلكم من البدآآية بآآه تفهمو الفيلمممــــ، 
أنا رآآيحة نبدل
عمي سأل على أحسن قسم من حيث الأساتذة، قالولو La s1
حتى لهنآ رآآنآ ملاح ،، 
رحنآ عند المديير، حطني فلا آس 1، وتهنييتـــــ 
قالولي أرجعي على الـــــوحدة ونص، بااه تقرآآي، جبت التوقييتــــــ تآآعهم
وروحت للدآآر
على الوحدة ونص رحت، وبديييت رحلة البحث عن القسم هذا 
اللي نسقسييه يقوولي رووحي لهييييييييييييييههههــــ >> وآآش بعيدة هادي لهييه هههـــــ 
مبعد قربت من لهييه، زدت سألت وحد الزوج بنااتـــــ
وحدة منهم الله يسامحهآ وآآش قالتلي ؟؟
قالتلي : إيييه جمعية إقرأ،
الله غالب ماكوونتش قاعدتلها، ولا كوون رآآني غسلتها غسيل الكرشة عند الواد
هههههــــــ >> وآآعرة نعمة .. وآآعرة ههه 
مالا، لقييت لا آآس وآآن هآدي
حكمت بلييصة فييهآ، حتى رحنا للقسم، مالا حوست على بلاصة فارغة
لقييت وحدة، قعدت فيهآ
والشيء اللي عجبني أن لون القسم [ أزرق فااتح ]، فووور خلاص
يبعث على الرااحة
وزييد النواافد تآآع القسم [ كبيييرة ]، يعني التهوية تآآني فوووور
بالصح الشيء اللي مآآفهمتووشـ، هو أن القسم كآآمل عـــاقل، وساكت، وهاادئ
أنا شكييت فالأسااتدة وااعرين ،، ولكن لالا
ضهرت فييهآ أسراار خفية لم أكن أعلم بهآ ..
دآآروهآ بيا ،،
علابآآلكم باللي حطووني في قسم تــــــآآع العباااقرة ؟؟ اللخر فييهم يجييب 14 !! >> صدق أو لا تصدّق 
’’ كيما سمعت الخبر، وشفت بعينيا الأدمغة كيفآآش رااهي شاعلة، ووآحد فييهم مآآهو
طافي >> بآآلاك أنا هي الطافية فييهممممــــ 
كيمآ نشووفهم ينووضو للسبوورة ،، ومايدييرو حتى خطآ، حتى نسخفــــ
ولا ،، مع الأستااد يطرح السؤال يكونوا معآآه هآآزين أصابعهمممـــ، لا يخممو لا وآآلو،
والمشكل، تضهر صحييحة، والأستااذ يفرح بييهم
وأنا الإجابة اللي مانجي نجييبها مخي يغلب ويعرق، ومبعد تضهر غالطة وعععع ’’
آآه آآآههههـــ
’’ ولا كيمآ الأستاذة تاع العلوم الإسلامية سالت وحد السؤال،
كآآمل الأصآآبع مرفووعة غيير أصبعي أنا 
>> تبهديييلـــــهْ .. مسكيينة ولاتــــ تقوول مآآشآآء الله ،، ’’
وتزيدلكم حآآجة، داارولنا زعما فحص تشخيصي في العلوومـ
مآآكانش اللي ورقتوو فآرغة خلاااصـــ ،،
خلاص خلاصــ 
وحد الغرااائب، ربي يستر برككـــ
أنا رآآني قرييب نهبل، ورااني حاابة نبكي على عمري
في رأيي مآآيش خدمة هآآدي تاع القسم تاع العبآآقرة، والله ماتصلح
خاصة، حنا الجزايرييين
كيما قاللي بابا،
’’ بآآه وآآحد يربح الحربــــ، ماش ملييح يبعت الجينيرآآلات كآآمل،
منآآه كون يقودو بزآآفــــ قبطآآنييين ولا قباطنة ولا مآآنعرف وآآش هو الجمع تاع قبطان
نرجعو للفكرة .. البآآبور الوآحد يغرق ’’
نتمنى تكون وصلت المعلوومـــهْ
قالي بابا تآآني ،،
باللي ’’ العبآآقرة هاادو مااش مليحلهم يتلموو في بلاصة وحدة، لأنه لازم كل وآآحد ولا زووج يروحو لقسم بآه يخلقو فيه التناافســـ
وكل قسم المستوى تآآعو يطلع ’’
نعطييكم مثآآلــــ
مثلا وآآحد مالف يجييب 14، ويقرا في قسم، أعلى معدل فيه هو 16 مثلا
مآآش رآآيح يعمل بكد بآآه يطلع معدلو، لأنو أصلا رآآيح يقول أنه مآآكانش فرق كبيير بينو وبيين هذاك الأول
وزيد هو رآآيح يكوون فالمرتبة العآآشرة ولا السابعة برك
بينما كآآين تلمييذ آخر، يجييب نفس المعدل، ولكن عندهووم في القسسم زووج يجييبو 18-17 بلا مااننسآآو اللي يجييبو الـــ 16
رآآيح هاد التلمييذ يحس بأنو يلزملو مضاعفة العمل بآآه على الأقل يطلع في المرتبة تااع الترتيب على الأقل يووصل للمرتبة 12 ولا
وهنا تخلق المنافسة، ويطلع النييفو تآآع القسسمـ
هذآ من جهة، ومن جهة أخرى ،،
التلامييد القااريين إذا تلموو، راايحيين يدمروا بعضهم البعض
بالنسبة لي أنا طبعا
لم أبحث كثييرآ في هذا الأمر، يعني مآآزلتــــ مآآلقييتش أسبآب مقنعة
ولكن رآآيحة نخمم مليآ في الأمر
أنا علاباالي طولت عليكم بزآآفــــ،
لذآآ راني رايحة نختم الموضوع تآآعي اللآن، [ علابااالي درك وآآين ارتحتووو ]
حبييتكمممـــ،،
تبآركوولي أولا 
وتوآآسيوني تآآنيا
وفي الأخيير تاع الرد تااعكم ،، قصدي قبل الأخيير، تقولولي وآآش رايكم فاللي قلتو
وأخييرآآ، وطبعا .. تشكرووووني على المووضوع الرآآئع ههههــــ 
والسلآلآممــــ خير ختآآممــ
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
