عنوان الموضوع : **مقروط لعسل من مطبخي** حلويات من المطبخ الجزائري
كاتب الموضوع : mira
مقدم من طرف منتديات ايمازيغن

السلام عليكم و رحمة الله تعالى و بركاته

اليكم مقادير تحضيري لمقروط لعسل
للعجينة
4 كيلات سميد متوسط
كيلة مرغرين+ سمن

ملح
ماء الزهر
للحشو
4 كيلات لوز
كيلة سكر
قرفة
ماء الزهر

بالاضافة الى الزيت و العسل

طريقة التحضير
خدي السميد و خليط المارغرين و السمن و خلطهم مليح و من بعد اضيفي الملح و شمخيه بماء الزهر باش يذوب
و من بعد نشمخو السميد لمبسس و نديرو حربوش و في الوسط نديرو حربوش تع اللوز و نغلقو عليه
و نرتبو مليح الحربوش و نقطعوه مقروطات
و قبل ما نقلوه نشمخو الطراف وين يبان اللوز بماء الزهر باش للوز ما يخرجش
و نقلوه في زيت سخونة
و من بعد كي يطيب و يحمار نعسلوه مباشرة
من المقلاة للعسل
نحطوه يقطر و لحين تقديمه نسخنو العسل و نعاودولو التعسال باش يبقى يبرق

و هادي الصورة النهائية


ان شاء الله يعجبكم
و ارجو التقييم بانتظار جديدي
تقبلو تحيات ام امينة



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©