عنوان الموضوع : اعملى فولية وسمسمية المولد بنفسك وفالبيت - حلويات
كاتب الموضوع : hamida
مقدم من طرف منتديات ايمازيغن

قدّمي الفولية بعد ما تبرد


كل سنة وكلكم في صحة وخير وسعادة بمناسبة الاحتفال بالمولد النبوي الشريف، والنهارده هنعمل الفولية والسمسمية والحمصية والفستقية والشكلمة علشان تبقى كلها بيتي
الفولية
المقادير:
3 كوب سوداني
1/3 كوب ماء
1 ½ كوب سكر
¼ ملعقة كبيرة ماء ورد
ملعقة كبيرة عصير ليمون

الطريقة:
1- سخني الفول في طاسة لغاية ما يتحمص.

2- حطي السكر والميه في حلة على النار، وبعد كده ضيفي عليها مية الورد وعصير الليمون، وسيبيهم لغاية ما الخليط يبقى سميك شوية ولونه يغمق ويبقى قريب من لون الكراميل أو أغمق، وبعد كده نقلبه تقليبة بسيطة ونشيله من على النار.

3- بعد ما ترفعي الشربات من على النار، هاتي السوداني واخلطيه معاه، وقلّبيهم كويس مع بعض.

4- جهّزي قوالب مدورة أو مستطيلة، وصبّي الفول والشربات فيهم.

5- اضغطي على الفولية بإيدك كذا مرة، بس خلّي بالك إن يكون فيه عازل؛ لأن الفولية بتكون لسة سخنة، وسيبي الفولية لغاية ما تبرد، وبعد كده قدّميها، وبالهنا والشفا.


6- وبنفس الطريقة دي تقدري تعملي الحمصية والفستقية والسمسمية، بس كل اللي عليكِ إنك تبدّلي الفول السوداني بالحمص أو بالفستق أو بالسمسم.

*******************



شكلمة جوز الهند



شكلمة جوز الهند
المقادير:
كوب سكر ناعم
بياض 4 بيضات
4 كوب جوز هند مبشور

الطريقة:
1- اضربي بياض البيض مع السكر كويس بالمضرب لغاية ما قوامه يبقى عامل زي الكريمة.

2- ضيفي جوز الهند على البيض والسكر واخلطيهم مع بعض كويس لغاية ما الخليط يبقى متماسك.

3- شكّلي عجينة جوز الهند بأشكال مختلفة وحطّيها في صينية مدهونة بالزبدة.

4- دخّلي الصينية الفرن على درجة حرارة منخفضة، وسيبيها لغاية ما تحسّي إن الشكلمة استوت، وبعد كده طلعيها وسيبيها لغاية ما تبرد وقدميها.. وبالهنا والشفا.
عايزه احلى تقييم يا احلى ثيمازيغين

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©