عنوان الموضوع : جاري أبيض خفيييييف من مطبخي - مطبخ الجزائر
كاتب الموضوع : chahinez
مقدم من طرف منتديات ايمازيغن



السلام عليكم ورحمة الله وبركاته
صح غداكم كامل وبصحتكم
جبتلكم غدايا اليوم جاري أبيض أو جاري حرش حبيت نوريلكم طريقتي في تحضيره ونتمنى نفيدكم وتجربوه مع أنه خفيييييييف ومع رمضان نبدلو شوي مرة جاري فريك مرة جاري أبيض منطولش بزاف

المقادير نحتاج:
- حبة بصل كبيرة
- نصف حبة فلفل حار للنكهة
- حبة خردل
- حبة بطاطا صغيييييييرة
- مارغارين نقليو بها
- لحم خروف أو دجاج شوي برك
- التوابل (( 5 فصوص ثوم ، ملح حسب الحاجة ، م ص ونصف فلفل أسود ، م ص كسبر ، م ص موطارد )) هادو كامل مهرسين مليييح



في كوكوط أو في قدر عادي حطي الزبدة تذوب + التوابل المهروسة نقليوهم غير شوي + الخضر مقطعة نخليوها تتقلى مع التوابل مع التقليب + اللحم والفلفل نزيدو نخليوهم غير شوي يتقلاو الكل مع بعض من بعد نمرق بالماء حتان تتغطى المكونات ونستناى حتى تغلي ونزيد ربطة صغييييييرة من المعدنوس ونغلق الكوكوط يطيبوا لمدة 30د





كي طيب المكونات ننزع اللحم والفلفل والمعدنوس نحطهم في صحن نخليهم على جهة
نميكسي المرق ملييح ونصفيه لاززززم في هذاك الوعاء لي صفينا فيه نخلي المرق ترتاح غير 3د باش تنزل التوابل تحت باش كي نرجع المرع نتاعنا للكوكوط تكون صافية ومن غير شوائب حنا نقولولو (( تخ المرقة)) وكي ترجعي المرق للكوكوط رجعيه بالشوي من بعد راح تلقاي هاذوك الشوائب لتحت يعني الجاري نتاعك راح يكون ناجح وبنييييييين


الآن كويرات الحم نحتاج
350غ لحم مفروم
فص ثوم مهروس
ملح ، فلفل أسود
بيضة
2 م ك شابلير (( تعطي الطراوة والهشة للحم ))
شوووووووي زبدة
معدنوس مقطع رقيق


نجمع المكونات مليييح ونكورهم ونضيفهم للمرق بعد ما يكون يغلي نحط كويرات اللحم ونغلق الكوكوط لــ 10د


من بعد نطفي عليها نحلها نضيف قيس فنجات دويدو(( vermicelle)) ونخليها على نار هادية تغلي لمدة 15د وطفي وزيدي قيس م ك عصير ليمون وقدميها


هاذا مطلوع الهام مممممممممممم مع الجاري روووووووعة الله يجازيها كل خير


والغداء جاهز






نتمنى تعجبكم طريقتي وتجربوه راهو بنيييييييين

تقبلو تحياتي
اللهم صلي وسلم وبارك علي سيدنا محمد



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©