عنوان الموضوع : ميني كريب بالشيكولا
كاتب الموضوع : مريم
مقدم من طرف منتديات ايمازيغن
السلام عليكم
اليوم جيبتلكم وصفو الميني كراب كانت طلبتها مني حبيبتي أليسون و طولت عليها كي عادتي باش حطيت الوصفة ان شاء الله تعجبكم و تجربها
نبدأ بالمقادير
1كأس فرينة
1 و 1/4 كأس حليب
بيضة
2 ملعقة كبيرة سكر
2 ملعقة كبيرة كاكاو
الطريقة
نخلط المقادير كامل مع بعض جيدا بالباتور حتى تتجانس جيدا و نخليها ترتاح 20د
نوجد حوايجنا
انا استعملت مقلاة القطر نتاعها صغير اذا ماعندكش ديري في مقلاة كبيرة و صغري في الدائرة تع الكريب
الحوايج لنحتاجوهم
زيت
سارفيات تع كارت
و طاسة صغيرة باش نديرو فيها خليط الكريب
صحنة نحط فيها الكريب بعد مايطيب
سلرفيات
و هذا راهو الخليط بعد مارتاح
ونخلطها بالمغرف باش نرجع الخليط متجانس
نحطها في هذي الطاسة تعاوني بزااااف باش نقدر نتحكم في الكمية
نحكم papier serviette و ندير فيها شوية زيت
و ندهن المقلة "هذي العملية نكررها كل ماندير كريب الجديدة في المقلاة" بعد مانكونو سخنا المقلاة
و نحط خليط الكريب كي نشوفوها بدات تتنحا من الجوانب نقلبها و نخليها طيب و نحيها و نكمل حتى نخلص الكمية لعندنا
و هذي الكمية كامل طابت
نوجدو الشانتي
مبعد نحط ورقة من الكريب نديرو فوقها طبقة تع الشانتي و لبغيتي ديري معجون الكرز
و نزيدو لاشانتي و نغطيها بورقة تع الكريب و نكمل هكذا حتى نوصل للحجم لبغينو و نزينزه بالشانتي و الصلصة الشيكولا"الصلصة ديرتها موضوع تلقاوها في هذا الرابطhttp://imazighen.univanet.com/showthread.php?t=1488344 " و شوية من معجون الكرز
ملاحظة
ماديريش الكمية نتاعك كامل لاشانتي ديري قد ماراح تاكلي و الكمية لتبقالك غطيها مليح و حطيها في الثلاجة كي تحبي تأكليها سخنيها في المقلة بالا ماتزيدي فيها الزيت
تقدري تحتفظي بيها في الثلاجة حتى 4 أيام
الكمية لكتبتهالكم راهي نصف الكمية لستعملتها انا استعملت الضعف
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©