عنوان الموضوع : bavarois aux poire - من مطبخي
كاتب الموضوع : imilla
مقدم من طرف منتديات ايمازيغن




بافاغوا بالاجاص بنتها رهيييييبة وخفيفة
نوجد بيسكويت الجينواز
4 بيضات نخلطهم مليح بالباتور مع 120غ سكر عادي وفاني ثم نستعمل ملعقة ونضيف 100غ فرينة و20غ مايزينة ونطيبها على نار قليلة لحوالي 10 او 12 دقيقة وتبقى صفراء اللون
نقطعها بشكل المول الي يتفتح من الجوانب

نشربها بالشاربات بعدما نثقبعا بالفرشيطة
والشاربات كاس سكر وكاس ماء وشريحة ليمون يغلو على نار قليلة حوالي 6 الى 10 دقايق وتجي خفيفة

نحضر كرام باتيسيار عاقدة

330مل حليب سائل نحطو يغلي ونخلط في اناء اخر 2 بيضات مع 25غ فرينة و25غ مايزينة و100غ سكر عادي وكي يبدا الحليب يغلي نفرغ نصف الكمية على البيض ونخلط ثم نرجع الكل على النار مع شوي فاني ونخلط حتى يعقد
وكريمة الليمون
كاس سكر وكاس ماء و3 ملعقة كبيرة مايزينة على النار لما تبدا تغلي نضيف 2 بيضات كاملين ونرجعها على النار حتى تعقد نضيف نصف كاس عصير ليمون ونرجعها للنار تعقد نطفي ونرمي فيها ملعقة صغيرة زبدة ونخلطها


وكرام شانتيي حوال180غ بودرة مع شوي ماء بااارد حتى تجي كريمة شادة روحها هاذي نسيت ماصورتهاش
ونرحي 2حبات اجاص

نذوب 2ملعقة صغيرة جيلاتين بودرة في 3ملعقة كبيرة ماء ونخلطهم مليح مع الاجاص
ثم نخلط الكل جيدا بالباتور

نفرغ الخليط على طبقة الجينواز نغطيها وندخلها الثلاجة ليلة كاملة
نزينها بفواكه مدهونة بالجولي وانا ماعنديش لاجولي درت شوية معجون مشماش وزدتلو شوي شاربات الي بقاتلي ولكم حرية التزيين


وهاهي واجدة

وأول قطعة لأول من ترد



ارجو عدم الرد حتى نطلع كل الوصفة النت راهي عيانة



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©