عنوان الموضوع : محلبي بالموز من مطبخي - من مطبخي
كاتب الموضوع : khouloud
مقدم من طرف منتديات ايمازيغن



المحلبي تحلية الناس كامل تعرفها وهي نكهات مختلفة اليوم درت محلبي بالموز ونموت على محلبي بالموز حبيت نقدملكم طريقتي كيفاش نديرو وانشاء الله يعجبكم وساااااااهل مايديلكش الوقت

المقادير : نصف لتر حليب + 4 ملاعق كبيرة نشا + 4 ملاعق كبيرة ماء الزهر + 3 ملاعق كبيرة سكر + حبة موز مقطعة مربعات



1/ ديري شوووووووي حليب في النشا وخلطيه باش مايتكعبرش من بعد



2/ حطي الحليب على النار متوسطة أضيفي السكر+ ماء الزهر +النشا وحركي مليح ماتغفليش عليه حتان يخثار شوفي قوامو كيما في الصورة





ضيفيلو الموز حركيه مرتين أو ثلاث برفق والآن صبيه في البول لي حبيتي تقدمي فيه وحطيه في الثلاجة لمدة 4سا





تحضير الشاربات : كأس ماء+ نصف كأس سكر + ملعقة ص ماء الزهر + عود قرفة وحطيهم على النار يغليو حوالي 15د


وهاهو المحلبي نتاعي بالموز وزدتلو شوي قرفة تعطيه ذوق راااااااااااااائع وقدمي معاه الشاربات لي يحب يزيد وتقدري تضيفيلو مكسرات





تحياتي








©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©