عنوان الموضوع : حلوى المفآجأة رائعة و بنينة (من مطبخي) - حلويات
كاتب الموضوع : hamida
مقدم من طرف منتديات ايمازيغن

السلام عليكم و رحمة الله

اليكم حلوة جديدة كنت صنعتها الصيف الللي فات و هذه المرة قررت نحطهالكم و لكن اعذروني على قلة الصور في الخطوات لاني كنت مزروبة شوية

حلوى المفآجأة ( وقيلة اسمها هكذا ههه)

المقادير

4 صفار بيض + بيضة كاملة
250 غ زبدة ONA
كاس سكر رطب
كاس مايزينة
علبة كاكاو
2 خميرة نوارة ( انا درت واحدة لانه مرة درت 2 و خرجلي يتفتت بزاف ماقدرتش نزينو )
علبة نوادكوكو
تقريبا 700غ فرينة

للتزين

قلاصاج نديرو فيه سكر رطب + 4 ملاعق ماء زهر و حبة قارص و ملعقة قهوة زيت ، علبة شيكولا صغيرة و واحد معجون مشماش ، نوادكوكو
طابع قلب

التحضير

تديري الزبدة تذوب في الشمس شوية منبعد تضربيها بالباتور تضيفيلها البيض و تخلطي جيدا ثم تضيفي السكر و تخلطي ثم تضيفي المايزينة و النوادكوكو
بعدها تزيدي الكاكاو بالتدريج و معه الفرينة و الخمارة حتى تشكلي عجينة طرية

تقطعيها في شكل قلوب و تضعيها في الفرن حوالي ربع ساعة

في هذه الاثناء اصنعي القلاصاج حيث تحطي السكر الرطب تضيفيلو باقي المقادير و تخلطي بالباتور جيدا

لما تطيب خرجيها و قسمي عدد الحبات على 2 نصف خليه هكذاك تاع شيكولا
و النصف الاخر اطليه بالقلاصاج و زينيه بالشيكولا ، حيث ضعي 3 خطوط افقية ثم امسكي عود كبريت و ابدئي من الاعلى شكلي خط عمودي بحيث تسحبين خطوط الشيكولا ثم ابدئي من الاسفلى الى الاعلى خط عمودي و اسحبي معه الخطوط الافقية و يصبح تزيينها مثل تزيين حبة الملفاي

هذه الصورة توضح لما قسمتهم و زينت النصف فقط






ثم
امسكي كل حبتين مع بعض و لصقيهم بالمعجون ثم ضعي على اطرافها ايضا و رمدي الاطراف بالنوادكوكو
و هذا هو الشكل النهائي






اتمنى اني افدتكم ، جربوها و لن تندموا و رح تلقاو انفسكم تصنعوها لكل عرس تحبوا تروحوا ليه بقاطو يعمر العين

اتمنى انها اعجبتكم

تقبلوا تحياتي

قمر الزمان رؤية




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©